Украина Россиянинг ҳудудларни аннексия қилишга уринишлари бўйича ишни моҳиятан кўриб чиқиш илтимоси билан Халқаро судга мурожаат қилди. Бу ҳақда Украина ташқи ишлар вазири Дмитрий Кулебанинг твитига асосланиб, «РБК-Украина» хабар бермоқда.
«Путиннинг аннексия қилишга уринишларидан сўнг Украина Халқаро судга бу ҳаракат 16 мартда чиқарилган вақтинчалик чоралар тўғрисидаги қонуний мажбурий буйруқни қўпол равишда бузиш эканини расман маълум қилди. Биз суддан ишни моҳиятан дарҳол кўриб чиқишни сўраймиз», — дейди Кулеба.
Аввалроқ Россия президенти Владимир Путин Россия томонидан вақтинча босиб олинган Запорожье ва Херсон вилоятларининг мустақиллигини тан олганди.
Референдумлар
Россия таркибига кириш ҳақидаги референдумларда овоз бериш 27 сентябрь куни якунланди. 28 сентябрь куни эрталаб Донбасс сайлов комиссиялари овозларнинг 100 фоизи кўриб чиқилганидан кейин референдумлар натижаларини эълон қилди. Уларнинг айтишича, ЛХР сайловчиларининг 98,42 фоизи, ДХР электоратининг 99,23 фоизи, Запорожье ва Херсон вилоятлари босиб олинган ҳудудлари аҳолисининг эса тегишли равишда 93,1 фоизи ва 87,05 фоизи Россия таркибига қўшилишни ёқлаб овоз берган.Референдумлар бошланишидан олдиноқ Путин Россия Донбасс, шунингдек, икки вилоят фуқароларининг якуний қарорини қўллаб-қувватлашини айтганди.
АҚШ ва Евроиттифоқ эса референдум натижаларини тан олмаслигини маълум қилган ва у ўтказилган тақдирда, Россияга қарши янги санкциялар киритиш билан таҳдид қилганди. Шунингдек, Сербия ва Туркия ҳам овоз бериш якунларини тан олмаслигини билдирган.
Канада бош вазири референдумлар туфайли Россияга қарши янги санкциялар киритилишини эълон қилди. Зеленский эса референдумлар тан олинса, Путин билан музокаралар ўтказмаслигини айтди.
Мавзуга доир:
- Эрдўғон Путин билан Украина ҳудудларида ўтказилган «референдумлар» масаласини муҳокама қилмоқчи
- ЛХР ва Херсон вилояти раҳбарлари Путинга мурожаат қилиб, Россия таркибига қабул қилишни сўради
- Россия БМТ Хавфсизлик кенгашида «референдум»ни қораловчи резолюция лойиҳасига вето қўйди. Хитой овоз беришда бетараф қолди
- «Украина НАТОга дарҳол аъзо бўлиш учун бугуноқ ариза топширади» — Зеленский НАТОга қўшилиш аризасини имзолади (видео)
Изоҳ (0)