Бугун,

  • USD 11095.31
  • RUB 173.84
  • EUR 10772.44

Россиянинг Бирлашган Миллатлар Ташкилотидаги доимий ваколатхонаси даъво қилишича, БМТ бош котиби Антониу Гутерриш Луганск, Донецк, Запорожье ва Херсон вилоятларини Россияга қўшиб олиш халқаро ҳуқуқ нормаларига тўғри келмаслигини билдириб, ташкилот низомининг холислик ҳақидаги 100-моддасини бузди.

Фото: Getty Images

Фото: Getty Images

«Бош котиб ва ​​котибият фақат ташкилот олдида масъул бўлган халқаро амалдорлар сифатидаги мавқейига таъсир қилиши мумкин бўлган ҳар қандай хатти-ҳаракатлардан тийилиши керак, яъни улар доимо холис ҳаракат қилиши керак», — дейилади Россия доимий ваколатхонаси баёнотида.

Дипломатлар, шунингдек, Гутерриш Донбасс республикалари, Херсон ва Запорожье вилоятлари аҳолисининг ўз тақдирини ўзи белгилаш ҳуқуқига «тажовуз» қилиб, икки томонлама стандартлар кўрсатди, деб ҳисобламоқда.

Гутерриш 29 сентябрь оқшомида Украина ҳудудларининг Россияга қўшилиши бўйича ўтказилган «референдумлар» ҳақида фикр билдирган эди.

«Бир давлат ҳудудининг куч билан таҳдид қилиш ёки куч ишлатиш натижасида бошқа давлат томонидан босиб олиниши БМТ устави ва халқаро ҳуқуқ тамойилларининг бузилиши ҳисобланади», — деган Гутерриш.

Унинг қўшимча қилишича, Украинанинг қўлдан бой берилган ҳудудларидаги референдумлар «давом этаётган қуролли низо шароитида» ҳамда «Украина ҳуқуқий ва конституциявий майдонидан ташқарида» ўтказилган. «Уларни ҳақиқатан ҳам халқ хоҳиш-истагининг акс этиши деб атаб бўлмайди», — таъкидлаган Гутерриш.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди