Бугун,

  • USD 11095.31
  • RUB 173.84
  • EUR 10772.44

АҚШ ва унинг иттифоқчилари разведка хизматлари Украина ҳудудига эҳтимолий ядро зарбаси берилишига тайёргарликни аниқлаш учун Россия устидан кузатувни кучайтирди. Бу ҳақда АҚШнинг беш нафар собиқ ва амалдаги амалдорларига таяниб, Politico хабар бермоқда.

Фото: Reuters

Фото: Reuters

Нашр суҳбатдошларининг огоҳлантиришича, ядровий зарбага тайёргарликнинг дастлабки белгилари жуда кеч аниқланиши мумкин, чунки Россияда қитъалараро баллистик ракеталардан кичикроқ тактик ядро қуроллари мавжуд.

«Биз буни диққат билан кузатмоқдамиз», — деди Россиянинг ядровий кучлари ҳақидаги разведка маълумотларига эга америкалик расмий. Кузатув ҳаводан, космос ва киберкосмосдан амалга оширилмоқда.

АҚШ ва унинг иттифоқчилари ердаги Россия ҳарбий бўлинмаларини таҳлил қилиш учун тижорий сунъий йўлдошлардан фойдаланади. Ўтган ҳафта давомида АҚШ разведка самолётлари Россиянинг икки томонлама қурол тизимлари ва гипертовушли ракеталари жойлашган Калининград вилоятида бир неча бор кузатилган.

Россия Украинага бостириб кирганидан кейин Россия президенти Владимир Путин, ҳукумат амалдорлари ва тарғиботчилар Россия ядро қуролидан фойдаланиши мумкинлигига қайта-қайта ишора қилди. 21 сентябрь куни Путин сафарбарлик бошланиши ҳақидаги мурожаатида Россия ҳукумати ўз ҳудудларини ҳимоя қилиш учун «ихтиёридаги барча воситаларни» ишга солишга тайёрлигини айтди.

27 сентябрь куни ўзини ўзи республика деб эълон қилган Донбасс республикаларида, шунингдек, Украинанинг Херсон ва Запорожье вилоятларида «Россияга қўшилиш бўйича референдум»га овоз бериш якунланди. Овоз берганларнинг аксарияти гўёки «Россияга қўшилиш»ни қўллаб-қувватлаган. 22 сентябрь куни Россия Хавфсизлик Кенгаши раисининг ўринбосари Дмитрий Медведев ушбу ҳудудлар «Россияга қабул қилингач» улар Россия Қуролли Кучлари томонидан ҳимоя қилинишини, армия «ҳар қандай қуролдан, шу жумладан стратегик ядровий қуролдан» фойдаланиши мумкинлигини атди.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)