Уйдаги ортиқча ва эскирган нарсадан халос бўлиш тенденциясига қарамай, ташлаб юборишга шошилмаслик керак бўлган баъзи нарсалар бор. «Новий очаг» нашри улардан бир нечтасини санаб ўтди.
Гилам
Эскирган гилам мебель оёқларига юмшоқ ёстиқчаларни тайёрлаш учун жуда мос келади. Кундалик фойдаланиш пайтида ва мебелни бошқа хонага кўчириш керак бўлса, улар полни қириб юборишдан қутқаради.
Душ пардаси
Эскирган душ пардасини ташлашга шошилмаслик керак. Илгак илмоқлари ўрнатилган четини кесиб олиб, пардани гилам ёки пикник дастурхони сифатида ишлатиш мумкин. Пардадан уй ҳайвонларига ётоқ қилиш учун ҳам фойдаланса бўлади. У жуда қулай бўлиб, сиртни нам мато билан артиб олиш кифоя.
Колготка
Эҳтимол, нейлондан кўра лакланган мебелларни ялтиратиш учун яхшироқ мато топиш қийин. Фақат эски колготкалар ёрдамида сиртни турли йўналишларда эҳтиёткорлик билан артиш тавсия этилади.
Қисқичли илгич
Кийимлар билан бирга келадиган арзон пластик илгичлар кўпинча чиқинди қутисига тушади. Илгичнинг ўзи сиз учун фойдали бўлиши даргумон — унинг сифати жуда шубҳали. Аммо қисқичлари фойдали нарсадир. Улар олиб ташланиб, кийимлар ўрнига пакетларнинг четларини маҳсулотлар билан маҳкамлаш учун асқатади.
Устара
Устара трикотаж кийимларни парвариш қилишда айни муддао. Унинг ёрдами билан кийимлар устидаги катишкаларни тозалаб, янги ҳолга келтириш мумкин.
Сабзавотлар учун тўр халта
Сабзавотлар солинадиган тўр ёрдамида ҳаммомдаги болалар ўйинчоқларини сақлаш мумкин. Бу жуда қулай. Барча ўйинчоқлар халтага солинади ва у ваннанинг устига осиб қўйилади, натижада ўйинчоқлар ичида сув қолмайди.
Эски шамлар
Ярим ёниб кетган шамларни ташламаслик керак, балки уларни янги ҳолга келтириш мумкин:
- шамлар;
- шиша идиш;
- ингичка ип;
- кераксиз пластик идиш;
- чой қошиқ.
Эски футболкалар
Пахта футболкалар эскирса ҳам фойдасини йўқотмайди. Кўчишни режалаштираётганлар нозик нарсаларни хавфсиз ташиш учун футболкалардан фойдаланиши мумкин. Уларни бир неча марта қатлам қилиб ўраш натижасида қимматбаҳо буюмларга зарар етмайди.
Соч тасмалари
Ташқи кўринишини йўқотган соч тасмалари ёрдами билан пакетларнинг четларини маҳкамлаб, ихчам сақлашни ташкил қилиш мумкин. Масалан, саёҳатга чиққанда кийимларнинг тахлами бузилмаслиги ҳамда кўп жой эгалламаслиги учун соч тасмасини тақиш кифоя.
Пластик идишлар
Ҳеч қачон қайта ишланган пишлоқ, йогурт ёки маргарин идишларини ташлаб юборманг. Тирноқ, соч тасмаси ёки тугмалар ва мунчоқларни йўқотиб қўйиш осон. Аммо ушбу пластик идишлар уларни сақлашда яқиндан ёрдам беради.
Сочиқлар
Вақт ўтиши билан, ҳатто энг юқори сифатли сочиқ ҳам эскиради. Аммо уларни ташлашга шошилмаслик керак. Эскирган сочиқлар қошиқ, санчқи каби буюмларни ялтиратиш учун айни муддао.
Изоҳ (0)