Пиёда юриш ҳар қандай ҳаракат каби, калорияларни ёқади: юриш пайтида тана энергия сарфлайдиган жуда кўп миқдордаги скелет мушакларини боғлайди. Оёқ мушаклари оёқ-қўлларни букади ва чўзади, орқа мушаклар умуртқа поғонасини ушлаб туради, қорин мушаклари танани бошқаради, қўл мушаклари мувозанатни сақлайди.
Пиёда юришнинг афзаллиги шундаки, у югуриш, велосипедда юриш ёки арқондан сакрашдан фарқли равишда, хавфсиз ва қулай. Бунинг камчилиги эса, калориялар юқоридаги ҳаракат турларига қараганда секинроқ ёқилади.
Бир соат пиёда юриб қанча калорияни ёқиш мумкин?
Ҳар бир юришнинг тезлиги ва тури ҳар хил бўлиши мумкин. Кимдир тепага 5 км/соат, кимдир текисликда 3 км/соат тезликда юради. Ўртача ҳисобда бир соатда 220 ккал ёқиш мумкин. Беш соатда ўртача 1000 ккал ёқилади. Агар бир килограмм соф ёғни йўқотишни истасангиз, пиёда юриш тахминан 35-40 соат давом этиши керак.
Пиёда юриш жисмоний фаолиятда чекловларга эга бўлган инсонларга вазн йўқотишда ёрдам бериши мумкин. Масалан, ортиқча вазнли одамлар, юрак-қон томир тизими касалликлари, мушак-скелет тизимида шикастланиши бўлган инсонларга пиёда юриш тавсия этилади.
Бироз эгилиб тепаликка чиқинг. Нотўғри рельеф мушакларни бошқа режимда ишлашга мажбур қилади, бунинг натижасида калория истеъмоли ортади.
Юраётганингизда тезликни ўзгартиринг. Тез юриш калорияларни тезроқ ёқади, секин юриш эса тананинг тикланишига ёрдам беради.
Кунига 60 дақиқадан 120 дақиқагача пиёда сайр қилинг. Ёдда тутинг, бу турдаги фаолият ёғ йўқотиш жараёнини бошлаш учун бироз кўпроқ вақт талаб қилади.
Тўғри юриш техникасини ўрганинг. Бу нафақат тезроқ вазн йўқотишга ёрдам беради, балки мушак-скелет тизимини соғломлаштиришга ёрдам беради.
Тўғри юриш техникаси
- қулай пойабзал танланг — бу тўғри юришнинг асосидир.
- елкалар, қўллар, бўйин бўшашади. Тўғри юринг, умуртқа поғонасини текис тутинг ва олдинга қаранг.
- пиёда юриш давомида қўлларни олдинга ва орқага силкитиш керак.
- юриш пайтида товондан бошлаб оёқнинг қолган қисмини айлантириш керак.
- чап оёқ билан қадам қўйиб ва бу вақтда ўнг қўл олдинда бўлиши керак. Оёқ-қўлларнинг ҳаракати турлича такрорланиши керак.
- тўғри нафас олишни сақлаб туринг. Бурундан нафас олиб оғиздан чиқаринг.
- ўртача қадам 75 смдан 85 смгача бўлиши керак.
Юришингизни турли бурчаклардан видеога олиш орқали синаб кўринг. Юриш техникаси нафақат вазн йўқотишга, балки соғликка ҳам таъсир қилади.
Пиёда юриш билан вазн йўқотиш мумкин ва хавфсиз ҳисобланади, бироқ бу бироз кўпроқ вақт талаб этади. Машғулотлар билан шуғулланиб ва тўғри овқатланишга риоя қилинса натижа икки ой ичида кўринади. Пиёда юришдан завқ олиш муҳим, ҳаракат машғулотнинг ўрнини босмайди, бироқ уни тўлдириши мумкин.
Мавзуга доир:
Изоҳ (0)