Нима учун тухумни музлаткич эшигида сақлаш мумкин эмас?

Кўп йиллар давомида харид қилингн тухумларни картон ўрамдан чиқариб, музлаткич эшигига жойлаштирадиган бекажонлар энди бундай қилиш шарт эмаслигини билиб олади, деб ёзади Wday.

Австралиянинг ихтисослашган институтининг озиқ-овқат хавфсизлиги бўйича мутахассиси Мишел Boseвски ўз блогида музлаткичдаги жойни қандай ташкил қилиш кераклиги ҳақидаги асосий қоидаларни тақдим этди.

Юқори

Бу тайёр маҳсулотлар ва овқат қолдиқлари учун мўлжалланган. Бу маҳсулотлар иссиқлик билан ишлов беришни талаб қиладиган хом ашёдан узоқда сақланиши керак. Уларни аралаштириб жойлаштириш мумкин эмас.

Тухум маҳсулоти ўрта қаторда сақланиши керак. Асло музлаткич эшигида эмас. Мутахассиснинг сўзларига кўра, эшик ушбу маҳсулот учун жуда иссиқ. Тухум узоқ вақт янгидек сақланиши учун салқинроқ жой ажратилиши керак.

Паст

Музлаткичнинг пастки қисми хом гўшт, балиқ, парранда гўшти ва қийма учун мўлжалланган. Ушбу маҳсулотларни ёпиқ идишда сақлаш тавсия этилади. Мутахассиснинг фикрича, бу хом гўштда бўлиши мумкин бўлган бактериялар тарқалишининг олдини олади. Акс ҳолда улар музлаткич бўйлаб осонгина тарқалади ва бошқа маҳсулотларни ҳам зарарлайди.

Эшик

Бу музлаткичнинг энг иссиқ қисми. Сут ва сут маҳсулотлари учун мукаммал жой. «Мен эшик тепасида пишлоқ ва йогуртларни, ўртада зиравор ва соусларни, пастки қисмида сут ва бошқа ичимликларни сақлайман», — дейди Мишел Boseвски.

Сабзавот ва мевалар

«Агар музлаткичда иккита алоҳида тортма бўлса, мева ва сабзавотларни алоҳида сақлаш лозим. Музлаткичда сақланмайдиган биттагина мева бор. Ҳар ҳолда, бошқа мевалар ёнида. Бу олма, у мева ва сабзавотларнинг тезроқ бузилишига олиб келадиган этилен газини чиқаради. Аммо улар ушбу модда ёрдамида етарлича пишади, шунинг учун музлаткичда пишмаган помидор ёки олхўри бўлса, унинг ёнига олма қўйиш мумкин», — деб маслаҳат беради Мишел.

Олма сақлашнинг энг яхши усули — ёпиқ сумкалар. Яна бир лайфхак — олмани пиёз билан бирга қўйишдир. Бу пиёзнинг кўкаришига йўл қўймайди.

Сабзавот ва мевалар учун бўлинманинг пастки қисми қоғоз сочиқ билан қопланган бўлиши керак. Улар ортиқча намликни ўзлаштиради ва мевалар узоқроқ сақланади. Бананлар тез бузилмаслиги учун эса бандини фольга билан ўраш кифоя.