Қишда истеъмол қилиш учун олхўрини қандай музлатиш керак? «Новий очаг» нашри бекажонлар учун фойдали бўлган олхўри музлатиш усуллари билан бўлишди.
Мевани бутунлигича музлатиш
Бу олхўри музлатишнинг энг осон йўли, лекин кейинчалик ундан фойдаланиш қийинлашади. Ундан фақатгина компот қилиш мумкин.
Бунинг учун олхўри ювилади, сўнгра қуритилади. Бир қатлам қилиб терилиб, пишириш варағига жойлаштирилади ва музлаткичда 4-5 соатга қолдирилади. Музлагандан сўнг пакетларга қадоқлаш мумкин.
Бўлакларга бўлиб музлатиш
Бундай олхўридан кейинчалик турли хил нарсалар тайёрланади: пишириқ, ширинлик ва ҳатто таомларга ҳам қўшиш мумкин. Албатта, компот ва кисел ҳам тайёрлаш осон.
Бунинг учун олхўри данаклари олиб ташланади. Агар улар яхши ажратилмаса, олхўрини пишиши учун бир неча кун деразага қўйиш керак. Кейин данакларни ажратиш осонроқ бўлади. Мева ўртасидан бўлинади ва музлатишга қўйилади. 5 соат давомида музлаткичда турганидан сўнг пакетларга жойлаштирилади.
Шакар қўшиб, пюре шаклида музлатиш
Ушбу усулда олхўри ўзининг хушбўйлигини кўпроқ сақлайди. Ҳаттоки музқаймоққа ҳам ўхшаб кетади. Олхўри пюреси пирог ва булочкалар учун ажойиб начинка сифатида хизмат қилади.
Бунинг учун олхўри блендер билан майдаланади. 1 килограмм олхўри учун 250 грамм шакар қўшилади. Сўнгра қолипларга қуйиб, музлатиб қўйилади. Музлатиш учун музқаймоқ қолипларидан фойдаланиш мумкин.
Шакар билан бўлаклаб музлатиш
Олхўрини данаклардан ажратиш ва бўлакларга бўлиш керак. Сўнгра шакарга ботирилиб, музлаткичга беш соатга қўйилади. Олхўрилар тайёр бўлгач, алоҳида пакет ёки идишларга солинади ва яна музлаткичда қолдирилади.
Изоҳ (0)