Сиёсатшунос Камолиддин Раббимов Telegram’даги саҳифасида ҳарбий сафарбарликдан Ўзбекистонга қочиб келаётган россияликлар билан қандай муносабатда бўлиш кераклиги тўғрисида фикрларини билдирди.
Камолиддин Раббимовнинг ёзишича, россияликларнинг сафарбарликдан қочиши Ўзбекистон миллий манфаатлари ва миллат мустақиллиги учун яхши янгилик.
Россияда эълон қилинган ҳарбий сафарбарликдан қочиб келаётган россияликларга Ўзбекистон аҳолисининг муносабати қандай бўлиши керак? Ҳуқуқий жиҳатдан уларга ҳеч қандай эътироз йўқ ва бўлиши ҳам мумкин эмас: Ўзбекистон ва Россия аҳолиси ўзаро визасиз, эркин ҳаракатланиш ҳуқуқига эга. Маънавий даражада эса, бу муҳим савол. Чунки ҳар бир инсоннинг ва бутун бир жамиятнинг ички ҳуқуқдан кўра чуқурроқ, маънавий позицияси бўлиши табиий. Маънавий даражада Ўзбекистонга келаётган россияликларни тушуниш билан қабул қилиш, ёки аксинча, уларга салбий муносабатда бўлиш мумкин.Аввалроқ Камолиддин Раббимов Россиянинг давлатчилик тақдири қай томонга ўзгариши Украина билан бўлаётган уруш якунига боғлиқлиги ҳақида фикр билдирганди.Биринчидан, россияликларнинг бу сафарбарликдан қочиши – Ўзбекистон миллий манфаатлари учун, миллат мустақиллиги учун жуда катта ва яхши янгилик! Агар россияликлар Украинани, кейин бошқа посцовет давлатларни сафарбарлик орқали босиб олиш борасида Кремль атрофида жипслашганида эди, бу қўрқинчли манзара бўларди.
Иккинчидан, халқаро конвенцияларга кўра, инсонлар зулмкор сиёсий муҳитдан, режимдан, ҳокимиятдан қочиш ва бошқа ҳудудларда пошпана сўраш ҳуқуқига эга. Биз ўзбекистонликлар россияликларнинг ксенофобик, шовинистик хатоларини такрорламаслигимиз керак.
Учинчидан, ўзбекистонликлар россияликларга бошпана топишда ёрдам бериши, ва айни пайтда Россиянинг империалистик сиёсати батамом ўзгариши кераклигини муттасил билдириб боришлари керак. Кейинги ўн йилликлардаги Россиянинг сиёсий тафаккури империализмдан, Ўзбекистон давлати ва халқига нисбатан шовинистик кибрдан мутлақ тозаланиши лозим. Бунинг учун Ўзбекистон миллатининг сифати, тафаккури шунга яраша ўзгариши, кристаллашган онг ва иродага эга бўлиши керак.
Камолиддин Раббимов, сиёсатшунос.
Эслатиб ўтамиз, Россия—Украина уруши 24 февралдан бери давом этмоқда. 21-сентябр куни Россияда қисман ҳарбий сафарбарлик эълон қилинди. Сафарбарлик бошланганидан бери 261 минг нафар эркак Россияни тарк этган. Федерациянинг турли ҳудудларида уруш ва сафарбарликка қарши намойишлар бўлиб ўтмоқда. Бир қатор мамлакатлар раҳбарлари уруш ва сафарбарликни тўхтатиш кераклиги ҳақида бонг уриб чиқмоқда.
Изоҳ (0)