АҚШнинг Нью-Йорк шаҳрида Бирлашган Миллатлар Ташкилоти Бош Ассамблеясининг 77-сессияси доирасида ташқи ишлар вазири Владимир Норов Сингапур ташқи ишлар вазири Вивиан Балакришнан билан музокаралар олиб борди. Бу ҳақда ТИВ ахборот хизмати хабар қилди.
Қайд этилишича, томонларнинг салоҳиятини инобатга олган ҳолда сиёсий, савдо-иқтисодий, инвестиция, молиявий, илмий-техникавий, маданий-гуманитар соҳаларда Ўзбекистон—Сингапур мулоқотини жадаллаштириш истиқболлари муҳокама қилинган.
Режалаштирилган тадбирлар жадвали, уларнинг ташкилий ва мазмунли жиҳатлари бўйича фикр алмашилган.
Иқтисодий дипломатияни ривожлантириш мақсадида «ақлли» шаҳарлар, «яшил» ва рақамли иқтисодиётни ривожлантириш, IT-технологияларни жалб қилиш, транспорт-логистика инфратузилмасини ривожлантириш, туризм алмашинувига кўмаклашиш бўйича лойиҳаларни амалга ошириш масалаларини ўрганиш таклиф этилган.
Гуманитар трекда таълим, давлат хизматчиларининг малакасини ошириш, кадрларни биргаликда тайёрлаш соҳаларида тажриб алмашинувни йўлга қўйиш ҳамда икки мамлакат таҳлилий марказлари билан алоқаларни мустаҳкамлаш учун салмоқли имкониятлар мавжудлиги қайд этилган.
Изоҳ (0)