«Барселона» ва Уругвай терма жамоаси ҳимоячиси Роналд Араухо Эронга қарши ўртоқлик ўйинида (0:1) жароҳат олди.
Каталонияликлар матбуот хизмати 23 ёшли футболчининг ўнг оёқ сонида синиш юз берганини хабар берди. Бу мушак пайлари бириктирилган жойда суяк зарраларининг ажралишидир.
Аввалига Араухо ЖЧ—2022 га қадар тикланиб олиши учун, жарроҳлик амалиётини рад этмоқчи экани айтилди. Бироқ АС нашрининг ёзишича, футболчи ҳозирча аниқ бир қарорга келмаган. Операция варианти ҳам йўқ эмас. Тез орада Роналд шифокорлар ва «Барселона» мураббийлар штаби билан учрашиб, тикланиш усулини ҳал қилади.
Араухо қандай усулда даволанишига қарамасдан, камида 6—8 ҳафтани ўтказиб юборади. Энди футболчи консерватив даволаш учун тўлиқ тикланишга имкон беришига шубҳа қилмоқда. «Барселона»дагилар Жаҳон Чемпионати қарор чиқаришда ҳал қилувчи омил бўлмайди, деб ҳисоблайди.
Роналднинг танлови «кўк-анорранглилар» шифокорлари фикрига боғлиқ бўлади. У клуб шифокорлари маслаҳатига эътибор қилмасдан операциядан бош тортган Самюуэль Умтити ва Ансу Фати йўлини такрорламоқчи эмас.
Diario Sport нашрининг ёзишича, Уругвай терма жамоаси вакиллари Араухони Жаҳон Чемпионатида иштирок этиши учун операциядан воз кечишга ундамоқда. Уругвайликлар Роналдни август ойида жароҳат олган Диего Годинга ўринбосар сифатида кўрмоқда.
Каталонияликлар Араухо жарроҳлик амалиётига рози бўлишини истайди. Бу консерватив даволаш усулидан сўнг содир бўлиши мумкин бўлган оқибатларни олдини олади, деб ҳисобламоқда. Клуб футболчини жароҳатидан тўлиқ тузалиши тарафдори.
Изоҳ (0)