Луи ван Гал Нидерландия терма жамоасида Дик Адвокатнинг рекордини такрорлади
Нидерландия терма жамоаси Миллатлар Лигаси 6-тури доирасида кечган баҳсда Бельгияни мағлубиятга учратди (1:0).
Нидерландлар устози Луи ван Гал терма жамоа бошқарувида 37-ғалабасини қўлга киритди. Бу орқали мутахассис Дик Адвокатнинг рекордини такрорлади.
Мураббий 2021 йилнинг августидан бери терма жамоани бошқариб келмоқда. Ван Гал бундан аввал икки бор Нидерландия терма жамоасига бош мураббийлик қилган: 2000-2001 ва 2012—2014 йиллар.
Нидерландия терма жамоаси А Лигаси 4-гуруҳини 16 очко билан якунлаб, ярим финал йўлланмасига эга чиқди. Нидерландия гуруҳда Бельгия (10), Польша (7) ва Уэльсни (1) қолдириб кетган.
Эслатиб ўтамиз, Луи ван Гал ЖЧ—2022 дан кейин терма жамоа бошқарувини тарк этади. 2023 йилдан бошлаб терма Нидерландия Рональд Куман қўл остига ўтади.
