Ўзбекистон банклари йил бошидан бери қанча фойда кўргани маълум бўлди

Ўзбекистон банклари томонидан жорий йилнинг январь—август ойлари давомида 47,7 трлн сўмлик даромад олинган. Бу ҳақда Марказий банк хабар бермоқда.

Бунда фоизсиз даромадлар 6,6 трлн сўмни, фоизли даромадлар эса 41,1 трлн сўмни ташкил қилган. Банкларнинг фоизсиз даромадлари ўтган йилга нисбатан 3,1 трлн сўмга кўпайган. Фоизли даромадлар билан бу кўрсаткич қарийб 11 трлн сўмга етган.

Йил бошидан бери Ўзбекистондаги банклар 1,94 трлн сўм фойда солиғини тўлаган. Бу ўтган йилга нисбатан 840 млрд сўмга кўп.

Банклар жорий йилда 6,1 трлн сўм соф фойда кўрган. Улар томонидан Июль ва август ойларининг ўзида 1,1 трлн сўмлик соф фойдага эришилган. 

Январь—август ойларига кўра соф фойда миқдори ўтган йилнинг мос даврига нисбатан 2,2 трлн сўмга кўпайган.

Аввалроқ Forbes Ўзбекистондаги 10 та энг ишончли банкни эълон қилган эди.