Ўзбекистоннинг Россиядаги элчихонаси ватандошларни хорижий давлатлар ҳудудида жиноий жавобгарлик белгиланган ҳарбий ҳаракатларда иштирок этишдан яна бир бор огоҳлантирди.
Элчихона Ўзбекистон Жиноят кодексининг 154-моддаси (ёлланиш)га кўра, чет давлат ҳудудидаги қуролли можароларда ёки ҳарбий ҳаракатларда қонунга хилоф равишда қатнашиш жиноят ҳисобланишини келтириб ўтди. Ушбу жиноятни содир этганлик учун жавобгарлик ўн йилгача озодликдан маҳрум қилиш тарзида амалга оширилади.
Элчихона Ўзбекистон фуқароларини Жиноят кодексининг юқоридаги моддасида назарда тутилган ноқонуний хатти-ҳаракатлар тўғрисида аниқ маълумотга эга бўлинган тақдирда, барча шахслар ҳеч қандай истисноларсиз жиноий жавобгарликка тортилиши ҳақида огоҳлантирди.
Элчихона, шунингдек, фуқароларни провокацияларга берилмасликка ва олдиндан ўйлаб иш кўришга чақирди.
Мавзуга доир:
- «Уруш шамоли деярли ҳар бир россияликнинг хонадонига кириб боришига кўп қолмади». Путиннинг қисман сафарбарлик ҳақидаги фармонини ўзбек жамоатчилиги қандай қабул қилди?
- «Бизнинг ўзбек мусулмон ватандошларимиз рус қўшинлари сафида жанг қилиши нафақат жиноят, балки шаръан ҳаром амал» — Мубашшир Аҳмад
- Бош прокуратура Россиядаги ўзбекистонликларни ҳарбий ҳаракатларга қўшилмасликка чақирди
Изоҳ (0)