Бокс бўйича супер оғир вазн тоифасида WBA, WBO ва IBF камарлари соҳиби Олександр Усикнинг (20-0, 13 КО) бойлиги ҳисоблаб чиқилди.
Marca’нинг хабар қилишича, икки йил аввал украиналик боксчининг бойлиги 4 миллион долларни ташкил этган.
Энтони Жошуага (24-3, 22 КО) қарши дастлабки жанг Усикка 13 миллион доллар келтирган. Реваншдан кейин эса боксчининг умумий бойлиги 52 миллион долларга етган.
Қайд этиш керак, бу ерда Олександрнинг фақат кафолатланган гонорарлари ҳисобланган. 52 миллион долларнинг ичига реклама ва ТВ-трансляциялардан тушган даромад кирмаган.
Усик ва Жошуа ўртасидаги биринчи жанг 2021 йилнинг сентябрь ойида Лондондаги «Тоттенҳэм Ҳоцпур» стадионида ўтказилган. Реванш эса 2022 йилнинг августида Саудия Арабистонининг Жидда шаҳрида бўлиб ўтди. Ҳар икки жангда Олександр очколар эвазига ғалабани қўлга киритган.
Изоҳ (0)