Ўзбекистоннинг БААдаги элчихонаси амалий кўмагида Тошкент давлат иқтисодиёт университети БААнинг Crown Plaza Dubai Marina меҳмонхоналар гуруҳи бошқарув компанияси билан ҳамкорлик меморандуми имзолади. Унга кўра, ТДИУнинг Туризм факультети талабаларидан 10 нафари ҳар йили Дубайнинг беш юлдузли меҳмонхоналарида амалиёт ўтайди.
Шунингдек, учрашув давомида онлайн савдо тармоқларида бесцеллер бўлган «Be the Cange in the Hospitality industry» номли китобнинг тақдимоти ўтказилди. Университет талабаларини тайёрлашда қўшимча адабиёт сифатида фойдаланиш мақсадида китоб муаллифи Рихсибой Турсунов билан китобни ўзбек тилига таржима қилиш бўйича келишувга эришилди.
Икки томонлама ҳамкорликни янада кенгайтириш бўйича музокаралар давом эттирилмоқда.
Мавзуга доир: Ғиждувон тумани ҳокими фаоллик кўрсатган 3 нафар мактаб директорини Дубайга жўнатди (видео)
Изоҳ (0)