Ботир Зоҳидов Тошкентнинг Шайхонтоҳур туманига ҳоким этиб тайинланди. Бу ҳақда пойтахт ҳокимлиги матбуот хизмати хабар берди.
Халқ депутатлари Шайхонтоҳур туман Кенгашининг навбатдан ташқари сессиясида тегишли қарор қабул қилинган. Тайинловга қадар 2020 йилдан буён Марказий банки бошқаруви раисининг биринчи ўринбосари лавозимида фаолият юритиб келаётганди.
Янги лавозимда у 2019 йилдан буён туманга раҳбарлик қилиб келган Абдуқаҳҳор Тўхтаев ўрнини эгаллади.
Ботир Зоҳидов 1982 йилда Тошкент шаҳрида туғилган. 2003 йилда Тошкент молия институтини, 2008 йилда Банк-молия академиясини тамомлаган. Банк соҳасида 20 йиллик стажга эга.
Бундан аввал иқтисодий тараққиёт вазирининг биринчи ўринбосари лавозимида ишлаган Саидқаҳҳор Холхўжаев Чилонзор тумани ҳокими этиб тайинланганди.
Изоҳ (0)