«Ташаббусли бюджет» лойиҳасининг иккинчи мавсумида республикадаги 9201 та маҳалла фуқаролари таклифлар билдирди. Бу ҳақда Молия вазири Тимур Ишметов Twitter’даги саҳифасида маълумот берди.
Тимур Ишметовнинг ёзишича, жараёнда таклиф қилинган лойиҳаларга 7 миллиондан кўп овоз берилган.
«Ташаббусли бюджет»нинг 2-мавсумида 9201 та маҳалла (жамига нисбатан 98 фоиз) фуқароларидан 61 мингдан ортиқ лойиҳалар таклиф қилинди. Жараёнда 7 миллиондан ортиқ овозлар берилди. Шундан 4,3 миллион овоз тўплаган 1418 лойиҳа ғолиб бўлди», – деб ёзган вазир.
Тимур Ишметовнинг қўшимча қилишича, «Ташаббусли бюджет»ни такомиллаштириб борилади.
«Уч мавсум давомида билдирилган 100 мингдан ортиқ таклифлар аҳолининг энг долзарб муаммоларини ўрганишга ёрдам берадиган «очиқ маълумотлар базаси»ни шакллантирмоқда. Давлат раҳбарининг «аҳоли билан бамаслаҳат қилинадиган лойиҳалар кўламини кенгайтириш» билан боғлиқ топшириқларига асосан «Ташаббусли бюджет» такомиллаштириб борилади»– дея қайд этган вазирлик расмийси.
Изоҳ (1)
Нима кераги бор овозни халкни кийнаб йордам беридигон йордамни бероринглар канча пул кетгизяпти овоз топлаш учун билайн бошка кампанияларни бой килишяпти халоз одамлар