Тошкентинг Миробод туманида Nexia-3 ва Lacetti тўқнашди. Пойтахт ЙҲХБ матбуот хизмати хабар берди.
Маълум қилинишича, воқеа 18 сентябрь куни соат 21:10 ларда туманнинг Афросиёб—Ойбек кўчалари кесишган чорраҳасида юз берган. Х.Н. (1985 йилда туғилган) бошқарувидаги Nexia 3 ва Р.Р. (2003 йилда туғилган) бошқарувидаги Lacetti тўқнашган.
Ҳодиса оқибатида машиналар шикастланган, тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Мавзуга доир: Тошкентда Lacetti Damas’нинг орқасига бориб урилди
Изоҳ (0)