«Толибон» бошчилигидаги Афғонистон ТИВ расмий вакили Абдул-Қаҳҳор Балхий тожик-қирғиз чегарасидаги можаролардан хавотирда эканлигини маълум қилди.
У ҳар икки томонда, жумладан, тинч аҳоли вакиллари орасида қурбонлар бўлганидан, чегарадош ҳудудлар аҳолисининг мажбуран уйларини тарк этаётганидан афсусда эканини билдирди.
«Ислом Амирлиги ҳар икки томонни чегаравий келишмовчиликларни тинчлик ва мулоқот йўли билан ҳал қилишга чақиради. Давом этаётган жанглар бутун минтақадаги хавфсизлик ва барқарорликка салбий таъсир қилиши мумкин. Чегаранинг ҳар икки томонида истиқомат қиладиган одамлар жабр кўриши ёки уйларини ташлаб кетишга мажбур бўлиши нотўғри,» дейилади расмий вакилнинг Twitter’даги изоҳида.
Изоҳ (0)