Қашқадарё вилоятининг Қарши шаҳрида қизнинг суратларини тарқатиб, шарманда қилган йигитга нисбатан жиноят иши қўзғатилди. Бу ҳақда ИИВ Киберхавфсизлик маркази хабар берди.
Маълум қилинишича, Қашқадарё вилояти Қарши шаҳрида яшовчи фуқаро Н.М. ариза билан мурожаат қилиб, аризасида номаълум шахс Telegram орқали қизи Р.Ж.нинг шахсий бошқаларга кўрсата олмайдиган видеотасвирлари ва суратларини тарқатиб, шарманда қилаётганини билдирган.
Олиб борилган тезкор-қидирув тадбирлари натижасида видео ва фотосуратларни тарқатаётган шахс Қарши шаҳрида яшовчи, Р.С. (1998 йилда туғилган) эканлиги аниқланган.
Р.С.га нисбатан Жиноят кодексининг 141-1-моддаси (шахсий ҳаёт дахлсизлигини бузиш) билан жиноят иши қўзғатилиб, тергов ҳаракатлари олиб борилмоқда.
«Ҳурматли фойдаланувчилар, ижтимоий тармоқ ва мессенжерлар орқали бегона шахслар билан мулоқот ўрнатганда ўзингизни шахсий фотосурат ва видеоларингизни имкон қадар бермасликларингизни тавсия қиламиз», — дейилади хабарда.
Изоҳ (0)