Футбол бўйича Ўзбекистон Суперлигасининг 19-турида «Сурхон» 17 сентябрь, шанба куни «Локомотив» билан баҳс олиб борди.
Учрашувнинг 18-дақиқасида Рубен Санчес ҳисобни очди. Орадан 3 дақиқа ўтгач, Мўминжон Мелиев мувозанатни тиклади. Биринчи бўлим сўнгида Абдулазиз Юсупов пенальтидан унумли фойдаланиб, «Сурхон»ни ҳисобда олдинга олиб чиқди. Иккинчи бўлимда дарвозалар ишғол этилмади. Шу тариқа сурхонликлар ўз тарихида илк бор «темир йўлчилар»ни мағлуб этди.
Ушбу ғалабадан сўнг «Сурхон» очколари сонини 16 тага етказиб, 13-ўриндан жой олди. «Локомотив» эса 19 очко билан 11-поғонани банд этди.
Суперлига
19-тур баҳси
17 сентябрь, шанба
«Сурхон» — «Локомотив» 2:1
Голлар: 1:0 — 18 Рубен Санчес, 1:1 — 21 Мўминжон Мелиев, 2:1 — 40 Абдулазиз Юсупов (пенальти).«Сурхон»: 13. Азизхон Исақов, 2. Зоир Жўрабоев, 3. Бобиржон Акбаров, 4. Жавоҳир Соҳибов, 7. Ислом Тошпўлатов (99. Камрон Сайдазимов, 87) 10. Муродбек Бобожонов (11. Луис Мигел, 65), 14. Рубен Санчес Перес, 19. Нуриддин Ҳасанов, 23. Абдулазиз Юсупов (6. Жаҳонгир Аҳмадов, 80), 26. Улуғбек Абдуллаев, 66. Беҳруз Шайдулов.
«Локомотив»: 1. Абдумавлон Абдужалилов, 3. Ислом Қобилов, 4. Дилшоджон Комилов, 6. Алишер Салимов (20. Жалолиддин Жумабоев, 70), 8. Нурмуҳаммад Тошпўлатов (21. Ғулом-Ҳайдар Ғуломов, 66), 10. Жасурбек Жалолиддинов, 17. Санжар Қодирқулов (18. Али Абдураҳмонов, 85), 19. Этаме Жероме (9. Жавоҳир Алижонов, 70), 22. Манучеҳр Сафаров, 25. Мўминжон Мелиев, 98. Маъруф Жумаев (77. Иван Нагаэв, 66).
Огоҳлантиришлар: Жавоҳир Соҳибов (4), Ислом Қобилов (4), Нуриддин Ҳасанов (53), Зоир Жўрабоев (67), Жаҳонгир Аҳмадов (90+2).
Изоҳ (0)