Каан Йилдирим ва Пинар Дениз Мелике Шаҳиннинг концертида бирга иштирок этди. Улар концертда бир-бирининг қўлини ушлаб юрган, бу эса Туркияда анъанага кўра ёшлар учрашади, деган гапга тенглаштирилади. Бундан олдин турк матбуоти бир лойиҳа «Узук» сериалида бирга иштирок этган Ҳанде Эрчел ва Каан Йилдиримнинг ишқий муносабатлари ҳақидаги хабарларга тўла эди. Ҳозир эса актёр бошқа машҳур актриса билан муносабатда экани ҳақида хабар тарқалмоқда.
«Асал ойи»даги Демет Ўздемир ва Ўгузхан Коч
Демет Ўздемир ва Ўгузхан Кочнинг тўйи дабдабали бўлди. Жуфтлик дам олиш ва кейинги ижодий режаларни амалга оширишда куч олиш учун «асал ойи» саёҳатига йўл олди.
Машҳур жуфтлик тўйдан сўнг ижтимоий тармоқларда суратларини жойлади ва «Улар бундан кейин ҳам бахтли яшашади» деб изоҳ қолдирди. Демет Ўздемир ва Ўгузхан Коч «асал ойи»ни шинам, танҳо жойда ўтказишни афзал кўрди.
Жеди Усмон ва Эбру Шаҳин Америкага яшайди
Ёзги таътилдан сўнг турмуш қуришга ва турмуш ўртоғи Эбру Шаҳин билан «асал ойи»ни ўтказишга муваффақ бўлган Усмон Жеди яна спорт майдонига қайтди. Эбру ҳар доим турмуш ўртоғи билан бирга, унинг барча учрашувларида қатнашишга ва ўйин давомида Жедини қўллаб-қувватлашга ҳаракат қилади. Жеди эса рафиқасини ўзининг тумори деб атайди. Жуфтлик Америкада яшайди, у эрда Жеди NBA жамоаси билан бирга «Кливленд Кавалиэрс» учун баҳс юритади. Эбру Шаҳин эса Туркиядаги актрисалик фаолиятини давом эттиради ва фақат янги лойиҳаларни суратга олиш учун келади.
Онур Тунанинг янги севгиси
Онур Туна Ҳанде Догандемир билан ажрашгандан сўнг, кўп ўтмай ёш актриса Ясемин Язижи билан учраша бошлади. Онур Ясеминдан 12 ёш катта. Жуфтликнинг муносабатлари яхши, чунки уларнинг муносабатига 6 ойдан ошди. Онур ва Ясемин кўп бирга вақт ўтказади, жуфтлик ёзда Филиппинга дам олиш учун борди. Туна актрисанинг туғилган кунида саҳифасида дил изҳорини билдириб табрик қолдирди, бу матбуот ва ижтимоий тармоқ фойдаланувчилари эътиборидан четда қолмади. Туна севгилисига турмуш қуришни таклиф қилишга тайёрлиги ҳақида миш-мишлар тарқалган.
Ҳанде Эрчелдан турк аёллари учун ажойиб лойиҳа
Ҳанде Эрчел обуначиларга ўз суратларини бир неча бор намойиш қилган. Актриса Туркиядаги тасвирий санъат университетининг анъанавий турк санъати факультетини тамомлаган. Ҳозирда актриса Истанбулда унутилиб бораётган анъанавий ҳунармандчиликни сақлаб қолиш учун аёллар учун устахона очишни режалаштирмоқда. Семинарда мармар ва черепица санъати, тўқувчилик ва шишани қайта ишлаш каби йўқолиб кетиш арафасида турган йўналишлар бўйича кадрлар тайёрлаш йўлга қўйилади.
Унинг ижтимоий лойиҳаси саратон касаллигига чалинган ва даволанган аёлларни жамиятда мулоқот қилишлари, иш топишлари ва анъанавий санъатни сақлашга ҳисса қўшишлари учун қўллаб-қувватлашга қаратилган. Онасининг вафотидан кейин Ҳанде саратон касаллигини қўллаб-қувватловчи ижтимоий лойиҳалар ва уюшмаларга катта эътибор қаратди.
Бариш Ардуч ва Гюпсе Озай ота-она бўлди
9 сентябрь куни Бариш Ардуч ва Гюпсе Озай ота-она бўлди. Гупсе Озай қиз фарзандни дунёга келтирган.
«Алпарслон» сериалининг 2-мавсумининг биринчи қисмлари суратга олиниб бўлганлиги сабабли, Бариш Ардуч қизи билан вақт ўтказиш учун таътилга чиқди. Жуфтлик қизига Жан Ася исмини берди.
«Делиҳа» сериалининг суратга олиш майдончасида танишган актёрлар дарров дўстлашиб олган ва узоқ вақт давомида учрашишган. Жуфтлик 2020 йилнинг 22 июль куни эълон қилмасдан ва ҳеч кимга айтмасдан турмуш қурди. Уларнинг никоҳ маросими пандемия сабабли оддий бўлиб ўтди.
Актёрларнинг ижодий режалари
Тез орада «Ота» сериалининг суратга олиш ишлари бошланади. Сериалнинг ижодий жамоаси ўтган мавсумда «Ота» лойиҳасининг суратга олишни ишларини бошлай олмади, чунки улар узоқ вақт давомида қаҳрамон Толге Саратишга партнёр қидириб топишди. Бош қаҳрамоннинг қизи роли учун Баҳор Шаҳин ва Бусе Мерал таклиф қилинди. Рол эса Бусага насиб этди, у «Афсона» сериалидаги Сирма роли орқали мухлислари хотирасида қолган.
Турк актёрлари 79-Венеция кинофестивалида
79-Венеция кинофестивалида турк киноси вакиллари: Дилан Чичек Дениз, Гўкче Баҳадир, Солиҳ Бадемжи, Буржу Озберк иштирок этди.
Жан Яман
Ҳозирда Жан Яман итальян киносида фаолият юритади, унинг кўплаб мухлислари эса турк кино саноати билан боғлайди. Актёр Filming Italy 2022 фестивалининг халқаро мукофотига сазовор бўлди. Агар унинг иштирокидаги «Денгиз каби бинафшаранг» лойиҳаси муваффақиятли чиқса, актёр катта эҳтимол билан Италия киносида қолади. Маълум бўлишича, фестиваль якунланганидан сўнг Жан Яман «Турк» сериалининг суратга олиш ишлари бошланиши кутилаётган Венгрияга боради. Бу лойиҳада ҳам у турк актёри ролини ўйнайди.
Мавзуга доир:
- Турк киноси янгиликлари: Дениз Байсал ва Мурат Йилдирим битта сериалда суратга тушмоқда, Жан Яман фильм премьераси учун Италияга борди.
- Эбру Шаҳин Америкага кўчиб кетмоқда, Ҳанде Эрчел Disney билан шартнома имзолади. Турк киноси янгиликлари (фото).
- 2022—2023 йил куз-қиш мавсумида намойиш этилиши кутилаётган турк киноси янгиликлари (фото).
- Чағлар Эртуғрул Дениз Байсал билан яна бир кинода суратга тушишни режалаштирмоқда, Жан Яманнинг Италиядаги лойиҳаси, Йилдиз ва Эндер «Қора ниятни тарк этадими? Турк киноси янгиликлари.
Изоҳ (0)