Голливуднинг энг гўзал жуфтликларидан бири Блейк Лайвли ва Райан Рейнолдс тўртинчи марта ота-она бўлади, деб ёзади Elle.
Ажабланарлиси шундаки, Блейк Лайвли кутилмаганда ҳомиладорлигини эълон қилди: актриса Нью-Йоркдаги Forbes Women in Power Summit’ининг қизил йўлагида тор ва ялтироқ либосда пайдо бўлди. Шундан сўнг актриса ва унинг турмуш ўртоғи актёр Райан Рейнолдс тўртинчи марта ота-она бўлишга тайёргарлик кўраётгани маълум бўлди.
Эслатиб ўтамиз, Рейнолдс ва Лайвли 2012 йилда турмуш қурган ва ҳозирда уч нафар гўзал қизни тарбияламоқда: Жеймс, Инес ва Бетти. Эҳтимол, жуфтликнинг тўртинчи фарзанди узоқ кутилган ўғил бўлиши мумкин. Қизиғи шундаки, Блейк ўзининг ҳомиладорлиги ҳақда оммага бундай ажойиб тарзда маълум қилишга биринчи марта қарор қилгани йўқ. У 2019 йилда Рейнолдс иштирокидаги «Детектив Пикачу» фильмининг премьерасида учинчи фарзандига ҳомиладорлигини эълон қилганди.
Мавзуга доир:
- Фарзандлари оддий ҳаёт кечириши учун ўз касбини сир тутган машҳур ота-оналар (фото)
- Шаҳар шовқинидан узоқда: Никол Кидман, Жулия Робертс ҳамда чекка ҳудудларда яшашни афзал кўрувчи бошқа юлдузлар (фото)
- Голливуднинг энг намунали жуфтликларидан оила мустаҳкамлигини таъминлашга ёрдам берадиган тавсиялар
Изоҳ (0)