Россия Марказий банки асосий ставкани 7,5 фоизга туширди

Россия банки директорлар кенгаши асосий ставкани 0,5 фоиз пункт — йиллик 7,5 фоизга пасайтиришга қарор қилди. Бу ҳақда «ТАСС» хабар бермоқда.

Ҳозирда истеъмол нархларининг ўсиши пастлигича қолмоқда, бу эса йиллик инфляциянинг янада секинлашишига ёрдам беради. Ишбилармонлик фаоллиги динамикаси Россия банки июль ойида кутганидан яхшироқ ривожланмоқда, — дейилади Марказий банк хабарида.

Бироқ регуляторга кўра, Россия иқтисодиёти учун ташқи шароитлар муаммо бўлиб, иқтисодий фаолиятни сезиларли даражада чеклашда давом этмоқда.

Мамлакат Марказий банки инфляция динамикасини ва Россия иқтисодиётини таркибий ўзгартириш жараёнини ҳисобга олган ҳолда асосий ставка бўйича кейинги қарорларни қабул қилади.

Аввалроқ Россияда ўтган йилнинг августидан бери илк бор нархлар тушиб, дефляция юз бергани ҳақида хабар берилганди.

Охирги марта дефляция 2021 йилнинг 10—16 август кунларида қайд этилган. Кейин бу мева ва сабзавотлар нархининг пасайиши билан боғлиқ кўпинча содир бўладиган ҳодиса эди.