Жиззахнинг Зомин туманида Nexia ҳайдовчиси қарама-қарши йўналишдан келаётган автобус билан тўқнашиши оқибатида воқеа жойида вафот этди.
Вилоят ИИБ матбуот хизматининг хабар беришича, воқеа 10 сентябрь куни соат 19:20 ларда 4Р-40 Даштобод—Зомин—Супа—Бахмал автомобиль йўлининг «Дуоба» маҳалласидан ўтган 63-километрида юз берган. 1984 йилда туғилган ҳайдовчи Nexia’ни Супа йўналишида бошқариб кетаётиб, қарама-қарши йўналишдан келаётган автобус билан тўқнашган.
Оқибатда Nexia ҳайдовчиси оғир тан жароҳатлари олиб, воқеа жойида вафот этган. Ҳозирда ҳолат юзасидан Зомин тумани ИИБ томонидан терговга қадар текширув ўтказилмоқда.
Аввалроқ Жиззах вилоятининг Пахтакор туманида Nexia юк машинаси билан тўқнашиши оқибатида икки киши ҳалок бўлгани ҳақида хабар берилган эди.
Изоҳ (0)