Jizzaxning Zomin tumanida Nexia haydovchisi qarama-qarshi yo‘nalishdan kelayotgan avtobus bilan to‘qnashishi oqibatida voqea joyida vafot etdi.
Viloyat IIB matbuot xizmatining xabar berishicha, voqea 10-sentabr kuni soat 19:20 larda 4R-40 Dashtobod—Zomin—Supa—Baxmal avtomobil yo‘lining “Duoba” mahallasidan o‘tgan 63-kilometrida yuz bergan. 1984-yilda tug‘ilgan haydovchi Nexia’ni Supa yo‘nalishida boshqarib ketayotib, qarama-qarshi yo‘nalishdan kelayotgan avtobus bilan to‘qnashgan.
Oqibatda Nexia haydovchisi og‘ir tan jarohatlari olib, voqea joyida vafot etgan. Hozirda holat yuzasidan Zomin tumani IIB tomonidan tergovga qadar tekshiruv o‘tkazilmoqda.
Avvalroq Jizzax viloyatining Paxtakor tumanida Nexia yuk mashinasi bilan to‘qnashishi oqibatida ikki kishi halok bo‘lgani haqida xabar berilgan edi.
Izoh (0)