Уйда сметанадан юз учун ниқобни осон тайёрласа бўлади. Ушбу арзон ферментланган сут маҳсулоти юзни мўъжизавий тарзда ўзгартиради ва барча тери турларига мос келади. Сметана самарали фойда бериши учун уни терининг турига қараб, уни қайси компонентлар билан аралаштириш кераклигини аниқлаб олиш керак.
Сметанадан тайёрланадиган юз ниқобининг афзалликлари
Сметана таркибида кўплаб витаминлар ва минераллар мавжуд. Ушбу маҳсулотдан тайёрланадиган юз учун ниқоб ҳақидаги ижобий фикрлар унинг фойдали таъсирга эга эканини билдиради.
«Ниқобнинг контрендикацияси йўқ, бироқ қон томир касалликлари бўлган одамлар уни эҳтиёткорлик билан қўллаши лозим», — дейди мутахассис.- Терини ёшартиради. А витамини ўлик зарраларни олиб ташлайди, коллаген, эластин ишлаб чиқаради ва яллиғланишни йўқ қилади.
- Э витамини аёллардаги гўзаллик гормони бўлган эстроген ишлаб чиқаришни яхшилайди, шунинг учун терининг қариши секинроқ кечади. Ҳуснбузарларни камайтиради ва қора нуқталарни йўқ қилади. Сепкил ва доғларни ёритади.
- С витамини ҳужайралардаги қон айланишини яхшилайди, терини кислород билан тўйинтиради.
- Никотин кислотаси юзни ташқи муҳит таъсиридан ҳимоя қилади.
- Фойдали компонентлар туфайли тери қаттиқ, эластик бўлади, соғлом, ёрқин кўринишга эга бўлади. Майда ажинлар силлиқлашади.
Сметанадан тайёрланадиган юз учун ниқоблар рецепти
Тери турлари бўйича ниқоблар:
Қуруқ ва нормал тери учун. Қуйидаги: 1 та тухум сариғи, 1 ош қошиқ сметана ва 1 ош қошиқ сабзи шарбатини аралаштиринг. Иккинчи вариант: 1 ош қошиқ жўхори унига сут қўшинг ва уни 5-6 дақиқага қолдиринг. Сўнгра 1 ош қошиқ сметана қўшиб ҳамма маҳсулотларни аралаштиринг.
Ёғли тери учун. 1 стакан сметана билан тухум оқини аралаштиринг, кейин эса 1 стакан ҳар қандай цитрус шарбатини қўшинг. Сабзавотли ниқоб: 1 ош қошиқ майдаланган хом картошкага помидор ва сметанани қўшиб яхшилаб аралаштиринг.
Муаммоли тери учун. Доривор мойчечак кукунини тенг нисбатда сметана билан аралаштиринг.
Терини ёшартириш учун. Тозаланган ва майдалагичдан ўтказилган турпни бир хил миқдордаги сметана билан аралаштириб, унга 1 чой қошиқ суюқ асал қўшинг. Қаҳвали ниқоб: асал, сметана, қаҳва ва тухумни аралаштиринг.
Оқартириш учун. Ҳрен шарбатини сиқиб олинг ва сметана билан аралаштиринг. Кўпроқ шарбат олишга ҳаракат қилинг.
Кўз атрофи учун ниқоб. Петрушкани майдаланг ва 1 чой қошиқ петрушка билан ва 1 ош қошиқ сметанани аралаштиринг.
Ҳар қандай ниқобни илиқ сув билан ювиб ташланг, уларнинг таъсир қилиш вақти 15-20 минутни ташкил этади. Ниқобни юзга қўллашда бўйин ва деколтени ҳам унутманг. Косметик маҳсулотни тайёрлаш учун уйдаги янги маҳсулотидан фойдаланган маъқул.
Сметана уйда тайёрланадиган турли хил юз ва тана ниқоблари ва скрабларининг энг машҳур таркибий қисмларидан бири ҳисобланади. У терининг соғлом кўринишини сақлашга ёрдам беради. Таркиби ва хусусиятлари туфайли унга асосланган ниқоблар терини оқартиришга, ёшга боғлиқ гормонал доғларини камайтиришга ёрдам беради, кўз остидаги сепкиллар ва қора нуқталар билан курашишга ёрдам беради. Шунингдек, бундай ниқоблар юздаги турли хил чарчоқ белгиларига қарши курашда, терининг соғлом кўринишини тиклашда тезоқ самара берадиган восита сифатида ишлатилиши мумкин. Сметана терининг нафас олишига ёрдам беради ва яхши антибактериал таъсирга эга.
Агар сиз уйда тайёрланадиган косметика учун ёғли сметана ишлацангиз, бу ажинлар чуқурлигини камайтиришга ва ҳужайра қаришини секинлаштиришга ёрдам беради. Бунинг сабаби шуки, сметана организм ҳужайраларида метаболизмга таъсир қилувчи ва яллиғланиш билан курашишга ёрдам берадиган жуда кўп миқдордаги витаминларни ўз ичига олади.
Одатда, сметана таркибидаги ёғ миқдори мавсумга ва терига қараб танланади: совуқроқ ҳавода, қиш мавсумида кўпроқ ёғли сметанадан фойдаланган маъқул, масалан, 20 фоизли сметана ёрилиб кетган терини мукаммал озиқлантиради. Агар юзингизда кўп миқдорда яллиғланиш мавжуд бўлса, ниқоб учун кўпроқ кислотали, тахминан 15 фоизли сметанадан фойдаланиш керак, чунки у тошмаларга қарши самарали ёрдам беради.
Таркибий қисмида сметана бўлган ниқобларнинг зарари минимал, бироқ бундай ҳолат ҳам кузатилади. Бу аллергик реакцияларни келтириб чиқариши ва тери ёғ кислоталари билан тўйинган бўлса, pH мувозанати бузилиши ҳам мумкин.
Ферментланган сут маҳсулотининг ўзига хос хусусиятларидан фойдаланинг. Тўғри ниқоб рецептини танланг ва бу тез орада терининг гўзал кўринишига ёрдам беради.
Мавзуга доир:
Изоҳ (0)