Кўпинча шишиш иссиқлик, суюқлик етишмаслиги ёки кўплиги ва узоқ ўтириш туфайли юзага келади. Бироқ шишлар баъзи ҳолларда ҳақиқатан ҳам жиддий касалликлар ҳақида огоҳлантириши мумкин. Агар сизда шиш пайдо бўлса, шифокор билан кўришишингиз, тиббий текширувдан ўтишингиз керак.
Қандай касалликлар шиш пайдо бўлишига олиб келиши мумкин?
Шиш зарарсиз сабаблар: шўр овқатларга ҳаддан ташқари берилиб кетиш, кўп сув ичиш ёки аксинча, суюқлик етарли бўлмаса, диетада протеиннинг кам бўлиши, ҳатто узоқ вақт давомида бир ҳолатда ўтириш ёки туриш орқали юзага келиши мумкин. Бундан ташқари, ҳомиладорлик пайтида ҳам шиш пайдо бўлади. Бироқ баъзи ҳолларда тўқималарда суюқликнинг турғунлиги ривожланаётган касалликлардан келиб чиқиши мумкин.
Юрак етишмовчилиги
Ушбу касаллик билан касалланган беморларда шиш кўпинча қорин бўшлиғида ёки оёқларда ҳосил бўлади. Бу касаллик юракнинг қон қуйиш билан боғлиқ ҳолатга бардош бера олмаслиги, қон томирларида турғунлик ва шиш пайдо бўлиши каби аломатлар орқали юзага чиқади.
Қалқонсимон без касаллиги
Гипотиреоз билан (қалқонсимон без фаолиятининг кескин сусайиши, етарли даражада ишламаслиги), танадаги суюқликнинг турғунлиги ҳам пайдо бўлиши мумкин. Шиш шаклланиши билан бирга келадиган бошқа қалқонсимон без касалликларидан бири — Ҳашимото касаллиги ҳисобланади. Бу ҳолатда юзнинг ярми ёки бир қўлда шиш кузатилади.
Жигар касаллиги
Жигарда шиш пайдо бўлишининг энг кенг тарқалган сабаблари сирроз ва гепатитдир. Одатда жигар танадан ортиқча суюқликни чиқариб ташлашга ёрдам беради, бироқ у касаллик туфайли ёмон ишласа, шиш пайдо бўлиши мумкин.
Веноз етишмовчилиги
Пастки экстремиталарда тромбофлебит, томирларнинг деворлари жуда заиф ёки шикастланган бўлса, қон нормал даражада айлана олмайди, бу ҳам шиш пайдо бўлишига олиб келади. Бу жуда хавфли ҳолат, чунки қон яхши айланмаса, қон тромблари шаклланиши мумкин.
Буйрак касаллиги
Бундай ҳолатда шиш кўпинча кўз атрофида ҳосил бўлади. Бу буйраклар яхши ишламаётганидан дарак беради.
Қандли диабет
Шиш ривожланиши билан юзага чиқадиган яна бир ҳолат эндокринологик касаллик ҳисобланади.
Қачон шифокорга кўриниш керак?
Қуйидаги ҳолларда дарҳол тиббий муолажага мурожаат қилиш керак:
- тўсатдан шиш пайдо бўлиб, у тез катталашса;
- нафас қисиши, кўкракда оғриқ бўлса;
- бош айланиши ёки бош оғриғи кузатилса;
- фақат бир оёқ шишиб кетса, тиббий ёрдамдан фойдаланиш лозим.
- шишиш вақт ўтиши билан йўқолмаса;
- иситма чиқса;
- шиш жойи қизариб кетса ҳам шифокорга кўриниш керак.
Изоҳ (0)