«Қодирхон» сериалидаги роли билан томошабинларга яхши таниш бўлган Даврон Асқаров «Дарё» интернет нашрининг ЁуТебеъдаги каналига интервью берди. У суҳбат давомида яқин кунларда оила қураётгани, унинг сериаллардаги партнёрлари билан боғлиқ миш-мишлар ва ўзига бўлган номақбул таклифлар ҳақида сўзлаб берди.
— Насиб қилса, 20 сентябрь куни Қўқонда ош берилади. Никоҳ маросими эса 26 сентябрь куни Тошкентда бўлиб ўтади. Аёлим жуда ёш, беғубор, ҳаётда ҳали қийинчилик кўрмагани билинади. Оиланинг кенжа фарзанди бўлгани учун эркатойлиги билиниб туради. У билан шу йилнинг 14 февраль куни кўришиб қолганмиз. Аввалига у билан салом-алик қилиб юрдик, орадан 6 ой ўтиб уйдагиларни совчиликка юбордим, — дейди актёр.
Томошабинлар орасида «Даврон Асқаров актриса билан оила қуради», деган миш-мишлар тарқаганди. Актёр нега ижод вакиллари билан оила қуришни истамаганлиги ҳақидаги саволга қуйидагича жавоб берди.
— Сўнгги уч йил давомида бундай миш-мишлар жуда кўп бўлди. Баъзи бир нуқталарда ҳаётимга жиддий таъсир ҳам қилди. Маржона билан ҳар хил гаплар тарқалганидан кейин тушкунликка тушиб қолдим. Одамлар муносабатимизни бошқача тушунишларини англаб, кейинги партнёрларим билан ижтимоий тармоқларда бирга кўриниш бермасликка ҳаракат қиляпман. Халқимиз жуда ишонувчан. Баъзан Instagram’имга «Ҳамма актриса билан севишиб юравераркансиз», деб шундай қўпол гаплар ёзишади. Аслида ундай эмас, ўртамизда портнёрликдан бошқа муносабат йўқ, — дейди Даврон Асқаров.
Актёр турмуш ўртоғининг отаси ҳам санъаткор эканлиги боис, розилик олиш у қадар қийин бўлмагани ҳақида тўхталиб ўтди.
— Ҳаётда кўп нарса ниятга боғлиқ экан. Одамлар ҳайрон бўлишмасин, аёлим билан никоҳдан ўтиб бўлганмиз, шунга уни турмуш ўртоғим деяпман. Мени тушунадиган оила бўлсин, деб ният қилгандим. Бахтимга турмуш ўртоғимнинг дадаси ҳам санъаткор. Аммо ким эканлигини ҳозирча ошкор этмайман. Бу соҳани билгани учун ўртамизда ҳеч қандай тушунмовчилик бўлмади. Куни кеча тўй ҳаракатлари билан Қўқонга борганимда «Хонанда Рухшона билан тўйингиз бўляптими?» деб сўрашяпти. Баъзан ишонувчан одамлар шунга ўхшаш маълумотларга ҳам ишониб кетаверишади.
Аёлларнинг ўртасида бунга ўхшаш гап-сўзлар жуда кўп бўлади. Бир аёлга ҳазиллашиб гапириб қўйган гапингиз ҳам бошқа одамларга бутунлай ўзгача етказилиши мумкин. Шунинг учун аёллардан эҳтиёт бўлиш керак. Мен билганим таниқли инсонларни ахлоқи бузуқ инсонлар яхши кўриб, йўлдан оғдирмоқчи бўлишади. Буни аёллар яхши тушунмаслиги мумкин, аммо эркаклар бу ҳолатни яхши билишади. Шундай вазиятда эркак иймон билан синалади. Менга ҳам бундай аёллардан жуда кўп таклифлар бўлган. Кино оламига кириб келаётган ака-укаларимизга ҳам шундан эҳтиёт бўлишларини кўп бора таъкидлайман, — дейди актёр Даврон Асқаров.
Актёр билан тўлиқ интервьюни қуйида томоша қилишингиз мумкин.
Мавзуга доир:
- Суратга олиш майдончасида танишиб, бир-бирига кўнгил қўйган ўзбек шоу-бизнеси вакиллари (видео)
- Машҳура Зулфиқорова, Миролим Қиличев, Барчин Ғофурова ва салбий роллари учун томошабинлар нафратига учраган бошқа актёр ва актрисалар (фото, видео)
- «‘Миллионъдаги арабча рақсим сабаб дадам гаплашмай қўйдилар». Актриса Нарминжан отасини хафа қилиб қўйгани ҳақида гапириб берди (видео)
Изоҳ (0)