Турк актёри Бурак Ўзчивит ва унинг рафиқаси Фаҳрие Эвженнинг муносабатлари 2015 йилда бошланган. Орадан икки йил ўтиб, жуфтлик турмуш қурди. 2019 йилда уларнинг Каран исмли ўғли дунёга келди. Эндиликда эр-хотин эгизак фарзанд кутаётганини расман тасдиқлади, деб ёзади «Lisa.ru».
Фаҳрие ўзининг шахсий саҳифасида ушбу янгилик билан ўртоқлашди. 2022 йил ёз бошидан бери жуфтликнинг оиласига янги меҳмон ташрф буюриши ҳақда шов-шувлар тарқалганди, аммо орадан бироз вақт ўтибгина улар бу ҳақда гапиришга қарор қилди.
Айтганча, жуфтлик оиласида доим ҳам ҳаммаси яхши бўлмаган. Яқинда уларнинг муносабатларида жиддий муаммо борлиги ҳақида хабар пайдо бўлди. Миш-мишларга кўра, актёрнинг хиёнатлари туфайли Фаҳрие ҳатто ажрашиш учун ариза бермоқчи бўлган. Бундан ташқари, Эвжен ва Буракнинг онаси ўртасида келишмовчилик юз берган, шундан кейин актриса уйдан чиқиб кетган. Аммо тез орада Ўзчивитнинг ўзи бунга ойдинлик киритди ва ҳаммаси яхши эканини маълум қилди.
Изоҳ (0)