Айни кунларда «Халқлар дўстлиги» санъат саройида «Браво» жамоасининг концерт дастури бўлиб ўтмоқда. Ўн бир кун давом этадиган дастурда негадир Шаҳло Зоирова кўриниш бермади. У Instagram тармоғидаги аккаунтидаги «Шаҳло браво» никини ҳам ўзгартирди. Синчков мухлисларнинг фикрича, у бирор марта жамоадошларини ижтимоий тармоқлар орқали табриклагани ҳам йўқ. Демак, бундан тахмин қилиш мумкинки, унинг жамоадошлари билан муносабати унчалик яхши эмас. Масалага ойдинлик кирицҳи мақсадида «Дарё» мухбири «Браво» жамоаси бадиий раҳбари Умид Умаров билан боғланди.
— Шаҳлонинг тўй хизматлари кўп. Ҳозирча шу. У билан зиддиятга борганимиз йўқ, билганимиз турмуш ўртоғи кўпроқ оилага вақт ажратишини сўрабди. Шу боис, бу йилги концертда иштирок этолмайди, — дейди Умид Умаров.
Бундан аввал гуруҳ таркибига актриса Наргиза Салмонова расман қабул қилинганини маълум қилинганди. Янги дастурда Дурдона Қурбонова ҳам иштирок этяпти. У ҳам гуруҳга расман қабул қилиндими?
— Буни вақт кўрсатади. Ҳали аниқ тўхтамга келганимиз йўқ. Дурдона Қурбонованинг жамоада қолиш қолмаслиги эса ҳали номаълум. Яна Шаҳло билан ишлаш эҳтимолимиз ҳам бор, — дея қўшимча қилди Умид Умаров.
Мавзуга доир:
- Наргиза Салмонова «Браво» аъзосига айланди. Актриса кулги жамоасининг хориждаги концертларида Шаҳло Зоирова ўрнига иштирок этмоқда
- Отабек Мирзахолов концертдаги ҳазили учун диний идора ходими ва масжид имомидан танбеҳ эшитгани ҳақида гапирди (видео)
- «Браво» жамоаси аъзоси беҳаё ҳазиллар қилгани учун керагидан ортиқ жазоланганини маълум қилди (видео)
- Тўйига белгиланганидан ортиқ одам чақирган «Браво» кулги жамоаси аъзоси Аҳмад Темуров жаримага тортилди
Изоҳ (0)