Сентябрь ойига келиб электромобилларни қувватлантириш шохобчалари Ўзбекистоннинг саккизта вилоятида мавжуд бўлиб турибди. Бу PlugShare иловасида қайд этилган.
Бундан ташқари Бухоро шаҳрида ҳам электромобилларни қувватловчи янги станция ишга туширилган.
Таққослаш учун, 2019 йилда қувватловчи станция умуман йўқ бўлган. 2020 йилда 3 та, 2021 йилда эса уларнинг сони 30 тага етган.
Станцияларни, асосан, хусусий компаниялар ўз маблағларига турли мақсадларда ўрнатмоқда:
- Макро ўз супермаркетлари атрофида тармоқ қурмоқда;
- TokBor компанияларга станцияларни ўрнатиш хизматларини таклиф қиляпти;
- Мегаватт электромобиллар сотувчиси сифатида инфратузилмани қурмоқда.
Аввалроқ Ўзбекистон бўйлаб ҳар 100 км масофага электр зарядлаш станциялари ўрнатилиши ҳақида хабар берилган эди.
Изоҳ (0)