Австралиялик тиктокер Жейки Боэм обуначиларга уни ҳар қандай йўл билан уйғотиш учун пул таклиф қилиб, ойига 35 000 доллар ишлаб олади. Бу ҳақда Mirror нашри хабар бермоқда.
Бунинг учун Боэм ётоқхонаси учун динамиклар, лазерлар ва совун кўпиги пуркайдиган машина ўрнатган. Ҳозирда 500 мингдан ортиқ фойдаланувчи унинг каналига обуна бўлган, кўпчилик унинг ётоқхонасига мос келадиган пуллик «совғалар» сотиб олади. Мисол учун, обуначилари уни ҳар қандай қўшиқ ва ёруғлик шоуси билан уйғотишлари мумкин.
«Ҳаммаси битта «совға» ва битта овоздан бошланди. Ҳозирда эса хонамда чироқлар, совунли пуфаклар, шиширилган қайиқ, лазер чироқлари ва 20 дан ортиқ овоз эффектлари мавжуд. Ҳар кеча бир хил — ҳар 10-15 сонияда турли хил товушлар ва чироқлар ёнади», — дейди Боэм.
Блогер одатда кунинг етти соатини стримингда ўтказади. «Май ойида 35 000 доллар ишлаб топдим. Бу ой даромадим янаям кўпаяди. Бу нарса ҳаётимни бутунлай ўзгартирди. Ҳар кеча трансляция қиламан ва томошабинлар учун янги имкониятлар қўшаман. Одамлар буни томоша қилиб, «совға» беришда давом этгунларича мен жонли эфирда бўламан», — дея қўшимча қилади тиктокер.
Бундан аввал Хаби Лейм Чарли Дамелиони ортда қолдириб, дунёдаги энг машҳур тиктокерга айлангани ҳақида хабар берилганди.
Изоҳ (0)