ШҲТ саммити сабаб Самарқанд ва Тошкент ўртасида «Афросиёб» поездлари қўшимча қатнови йўлга қўйилади

Самарқанд—Тошкент—Самарқанд йўналишида «Афросиёб» поездларининг қўшимча қатновлари йўлга қўйилади, деб хабар бермоқда «Ўзбекистон темир йўллари» матбуот хизмати.

Қайд этилишича, 14—18 сентябрь Самарқанд шаҳрида ўтказилиши белгиланган ШҲТ аъзо давлатлар раҳбарлари кенгашининг навбатдаги йиғилишига пухта тайёргарлик кўриш ва йўловчилар учун қўшимча қулайлик яратиш мақсадида 767/768-сонли Самарқанд—Тошкент—Самарқанд йўналишида «Афросиёб» тезюрар поездлари ҳаракати 12 сентябрдан 18 сентябргача 7 та рейсга йўлга қўйилади.

Рейслар қуйидаги вақт оралиғида ҳаракатланади:

767-сонли Самарқанд—Тошкент йўналишидаги поезд «Самарқанд» вокзалидан соат 11:08 да жўнаб, «Тошкент—Марказий» вокзалига соат 13:18 да етиб боради.

768-сонли Тошкент—Самарқанд йўналишидаги поезд «Тошкент—Марказий» вокзалидан 13:40 да жўнаб, «Самарқанд» вокзалига соат 15:48 да етиб боради.

Чипталарни нафақат темир йўл кассаларидан, балки электрон тарзда ушбу ҳавола орқали харид қилиш мумкин.

Мавзуга доир:

• ШҲТ саммити вақтида Самарқанддаги 28 та автобус йўналиши ва трамвай ҳаракати вақтинча тўхтатилади
• ШҲТ саммити сабаб Самарқанд шаҳридаги бир қатор кўчаларда транспорт воситалари ҳаракати чекланади
• ШҲТ саммити сабаб Самарқанддаги мактабларда дарслар 19 сентябрдан бошланади