SHHT sammiti sabab Samarqand va Toshkent o‘rtasida “Afrosiyob” poyezdlari qo‘shimcha qatnovi yo‘lga qo‘yiladi

Samarqand—Toshkent—Samarqand yo‘nalishida “Afrosiyob” poyezdlarining qo‘shimcha qatnovlari yo‘lga qo‘yiladi, deb xabar bermoqda “O‘zbekiston temir yo‘llari” matbuot xizmati.

Qayd etilishicha, 14—18-sentabr Samarqand shahrida o‘tkazilishi belgilangan SHHT a’zo davlatlar rahbarlari kengashining navbatdagi yig‘ilishiga puxta tayyorgarlik ko‘rish va yo‘lovchilar uchun qo‘shimcha qulaylik yaratish maqsadida 767/768-sonli Samarqand—Toshkent—Samarqand yo‘nalishida “Afrosiyob” tezyurar poyezdlari harakati 12-sentabrdan 18-sentabrgacha 7 ta reysga yo‘lga qo‘yiladi.

Reyslar quyidagi vaqt oralig‘ida harakatlanadi:

767-sonli Samarqand—Toshkent yo‘nalishidagi poyezd “Samarqand” vokzalidan soat 11:08 da jo‘nab, “Toshkent—Markaziy” vokzaliga soat 13:18 da yetib boradi.

768-sonli Toshkent—Samarqand yo‘nalishidagi poyezd “Toshkent—Markaziy” vokzalidan 13:40 da jo‘nab, “Samarqand” vokzaliga soat 15:48 da yetib boradi.

Chiptalarni nafaqat temiryo‘l kassalaridan, balki elektron tarzda ushbu havola orqali xarid qilish mumkin.

Mavzuga doir:

• SHHT sammiti vaqtida Samarqanddagi 28 ta avtobus yo‘nalishi va tramvay harakati vaqtincha to‘xtatiladi
• SHHT sammiti sabab Samarqand shahridagi bir qator ko‘chalarda transport vositalari harakati cheklanadi
• SHHT sammiti sabab Samarqanddagi maktablarda darslar 19-sentabrdan boshlanadi