Жиззахнинг Ғаллаорол туманида эр-хотин жанжали қотиллик билан якун топди. Бу ҳақда вилоят ИИБ матбуот хизмати хабар берди.
Маълум қилинишича, 2 сентябрь куни тунги соат 02:00 ларда юз берган. Туманнинг «Бахт» маҳалласида тўрт нафар фарзанднинг ота-онаси бўлган эр-хотин ўзаро гап талашиб, жанжаллашиб қолган.
Жанжал вақтида 1982 йилда туғилган эр турмуш ўртоғининг бош қисмига темир жисм — арматура бўлаги билан икки марта уриб, тан жароҳати етказган. Аёл туман тиббиёт бирлашмасининг жонлаштириш бўлимига ётқизилган, аммо кўрсатилган тиббий муолажаларга қарамай, вафот этган.
Бундан аввал Жиззах вилоятининг Зарбдор туманида эр жанжал туфайли ўз хотинини ўлдириб қўйгани ҳақида хабар берилган эди.
Мавзуга доир: Қашқадарёда эридан кўп танбеҳ эшитган аёл уни уриб ўлдириб қўйди
Изоҳ (0)