Давлат қабул комиссияси қарорига кўра, абитуриент ўзи танлаган биринчи йўналишга кира олмаган, лекин 2, 3, 4 ёки 5-йўналишлардан бирига ўқишга кирган бўлса, ўз хоҳиши билан биринчи танлаган йўналишида супер контрактда ўқишига рухсат берилади. Бу ҳақда Олий ва ўрта махсус таълим вазирлиги маълум қилди.
Таъкидланишича, бу истисно 2, 3 ёки 4-йўналишга тааллуқли эмас. Яъни бешинчи йўналишга ўқишга кирган абитуриент иккинчи ёки тўртинчи йўналишни танлаб супер контракт қила олмайди, фақат биринчи йўналишга қилиши мумкин.
Шунингдек, танлаган бешала йўналишига ҳам ўқишга кира олмаган абитуриентлар исталган бешта йўналишдан бирини танлаб, супер контрактда ўқишига рухсат берилади.
Изоҳ (0)