Дунёда металл нархи глобал рецессия хавотирлари туфайли туша бошлади

Европада энергия инқирозининг кескинлашуви ва Хитойда ишлаб чиқаришнинг секинлашуви белгилари туфайли дунёда саноат металлари нархи тушиб бормоқда. Бу ҳақда Financial Times хабар бермоқда.

S&P GSCI спот металл нархлари индекси август ойининг ўрталаридан бери 9 фоиздан ортиқ пасайди. Бу йил у Украинада уруш бошланганидан кейин чоракдан кўпроққа ошганига қарамай, 17 фоизга камайди.

Буларнинг барига сабаб рецессия ва таназзулдан қўрқиш ҳисобланади. Қўрқув — таназзулга олиб келадиган энергия инқирози, — деди Барингснинг табиий ресурслар бўлими раҳбари Клайв Бурстоу.

Goldman Sachs таҳлилчиларига кўра, ҳаддан ташқари ресессия қўрқуви товарларни қамраб олишда давом этмоқда.

5 сентябрь куни Европада газ нархи 17 фоизга кўтарилиб, ўтган ой охирида қайд этилган рекорд даражага яқинлашди.

Газ нархининг ошиши ҳам йирик бизнес, ҳам истеъмолчилар электр энергияси учун тўловларни камайтириш учун истеъмолни қисқартиришга мажбур бўлади, деган хавотирларни кучайтирмоқда.

Глобал иқтисодий саломатликнинг барометри бўлган мис бир ҳафта ичида тахминан 6 фоизга пасайиб, бир тонна учун қарийб 7 650 долларни ташкил этди. Темир рудаси нархи йил бошида 160 доллардан ошганидан сўнг 100 доллардан пастга тушди.