Дунёдаги энг йирик нефть ишлаб чиқарувчи ва энг кўп заҳирага эга Saudi Aramco компанияси октябр ойида Осиё учун нефтнинг кўп навлари нархини пасайтириши мумкин. Бу ҳақда Reuters хабар берди.
Агентлик маълумотларига кўра, Arab Light нефтининг нархи бир баррель учун тахминан 4,5 долларга тушади. Ушбу нархнинг пасайиши тўрт ой ичида биринчи бўлади.
Arab Light’нинг Осиё учун сентябрь ойидаги расмий сотув нархи август ойига нисбатан бир баррель учун 50 сентга ошиб, бир баррель учун 9,8 долларни ташкил этгани ҳақида хабар берилган эди.
Шу тариқа, ушбу турдаги нефть нархи минтақа учун жорий йилнинг май ойидан бери энг юқори кўрсаткичга айланган.
Аввалроқ Saudi Aramco’нинг даромади нефть бозорида яна бир рекорд ўрнатганди.
Изоҳ (0)