Yevropada energiya inqirozining keskinlashuvi va Xitoyda ishlab chiqarishning sekinlashuvi belgilari tufayli dunyoda sanoat metallari narxi tushib bormoqda. Bu haqda Financial Times xabar bermoqda.
S&P GSCI spot metall narxlari indeksi avgust oyining o‘rtalaridan beri 9 foizdan ortiq pasaydi. Bu yil u Ukrainada urush boshlanganidan keyin chorakdan ko‘proqqa oshganiga qaramay, 17 foizga kamaydi.
Bularning bariga sabab retsessiya va tanazzuldan qo‘rqish hisoblanadi. Qo‘rquv — tanazzulga olib keladigan energiya inqirozi, — dedi Baringsning tabiiy resurslar bo‘limi rahbari Klayv Burstou.
Goldman Sachs tahlilchilariga ko‘ra, haddan tashqari resessiya qo‘rquvi tovarlarni qamrab olishda davom etmoqda.
5-sentabr kuni Yevropada gaz narxi 17 foizga ko‘tarilib, o‘tgan oy oxirida qayd etilgan rekord darajaga yaqinlashdi.
Gaz narxining oshishi ham yirik biznes, ham iste’molchilar elektr energiyasi uchun to‘lovlarni kamaytirish uchun iste’molni qisqartirishga majbur bo‘ladi, degan xavotirlarni kuchaytirmoqda.
Global iqtisodiy salomatlikning barometri bo‘lgan mis bir hafta ichida taxminan 6 foizga pasayib, bir tonna uchun qariyb 7 650 dollarni tashkil etdi. Temir rudasi narxi yil boshida 160 dollardan oshganidan so‘ng 100 dollardan pastga tushdi.
Izoh (0)