Корейс ёшлари деҳқончилик учун қишлоқларга кўчиб ўтмоқда

Жанубий Кореяда 2021 йилда 380 мингга яқин одам қишлоқларга кўчиб ўтди, бу 2015 йилга нисбатан 15 фоизга кўп. Бу ҳақда The Economist хабар бермоқда.

Жанубий Кореялик Ким Жи Ин Сеулда яшаганида, яхши иш ва яшаш учун муносиб жой топиш ҳақида қайғурарди. 

Энди эса Ким қурғоқчилик у етиштираётган картошка ва маккажўхори ҳосилига путур етказишидан хавотирда. 

23 ёшли қиз ва унинг синглиси ўтган йили Жанубий Чунгчеонг провинциясидаги Нонсан шаҳрида фермер хўжалигини бошлаган. Унинг биринчи ҳосили муваффақиятли бўлди. 

Ким хоним квичон ёки қишлоқ ҳаётига қайтиш деб аталадиган ҳодисанинг бир қисмидир.

Минг йиллар олдин ишлаб чиқилган бу атама иқтисодий қийинчиликлар даврида, шаҳар аҳолиси ўз қишлоқларига қайтиб, деҳқончилик билан шуғулланишга мажбур бўлганда пайдо бўлган.

Бу сафар квичон ҳодисаси пандемиядан сўнг содир бўлди. Ким хоним каби кўплаб янги фермерлар илгари ҳеч қачон қишлоқда яшамаган. Ҳукумат уларни рағбатлантиради.

Қишлоқда ёш фермерларни кўпайтириш орқали ҳукумат келажакда катта фойда олишга умид қилмоқда.

Ҳозирча режа ишламоқда ва ўтган йили 380 мингга яқин одам қишлоқларга кўчиб ўтди. Уларнинг ярми 40 ёшдан кичик ва бу рекорд кўрсаткич.