Rossiya prezidenti Vladimir Putin va Turkiya prezidenti Rajab Toyyib Erdo‘g‘on telefon orqali muloqot qildi, deb xabar bermoqda Anadolu agentligi.
Suhbat chog‘ida davlatlar rahbarlari Turkiyaning janubiy sohilida qurilayotgan “Akkuyu” atom elektr stansiyasi (AES)da ishlar rejaga muvofiq olib borilishini ma’qullagan. Kreml matbuot xizmatining qo‘shimcha qilishicha, Putin va Erdo‘g‘on shuningdek, savdo-iqtisodiy aloqalarni kengaytirish hamda qo‘shimcha aloqalar o‘rnatish niyatini tasdiqlagan.
“Akkuyu” AES qurilishi bo‘yicha hukumatlararo bitim 2010-yilning may oyida imzolangan edi. Birinchi reaktor 2023-yilgacha, butun stansiya esa 2025-yilgacha ishga tushirilishi kutilmoqda.
Avvalroq Putin Erdo‘g‘on bilan Shanxay hamkorlik tashkiloti (SHHT) sammitida dolzarb masalalarni muhokama qilishga kelishib olgani xabar qilingandi. Tadbir Samarqand shahrida 15—16-sentabr kunlari bo‘lib o‘tadi.
Izoh (0)