Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
«Миллион» кулги жамоасининг аъзоси Алишер Ботиров фарзандлари билан сайр қилаётгани акс этган видеони эълон қилди. Видеода актёрнинг рулда телефондан фойдаланаётганини кўриш мумкин.
Хонана Дилфуза Раҳимова турмуш ўртоғи билан тушган суратини саҳифасига жойлади ва уни туғилган куни билан табриклади.
Актриса Дилноза Кубаева Юлдуз Ражабова ва Шаҳзода Матчонованинг кино оламидаги ижодини яхши баҳолаши, уларни ўзига рақиб санаши ҳақида гапирди.
«Эски шаҳар» гуруҳининг хонандаси Жасмин янги таронасига ишланган видеоклипни мухлисларига тақдим этганини ва Москвадаги концерти аъло даражада ўтганини маълум қилди.
Актриса Муқаддас Холиқова ва хонанда Мавлуда Асалхўжаева тўй хизматларининг бирида учрашиб қолди.
Милена Мадмусаева Италия кўчаларида тушган янги сурати билан кўриниш берди.
Юлдуз Турдиева ўғли Меҳрожнинг туғилган кунини қандай нишонлаганини мухлисларига кўрсатди.
Хонанда Канизани вилоятлардан бирида мухлислари ўраб олди. У мухлислари орасидан Ички ишлар ходимлари ёрдами билан чиқиб кетди. Кейинроқ Каниза Ички ишлар ходимларининг бири унинг қўлини қаттиқ тортгани ҳақида гапирди.
Кўплаб хит тароналар ижрочиси Шоҳруххоннинг тўнғич фарзанди Муҳаммадюсуф икки ёшга тўлди.
Хонанда Абдулла Қурбонов 2 сентябрь куни ўғли Музаффарни уйлантирди. Тўйда хонанда Юсуфхон Нурматов, Ғайбулла Турсунов, Ҳожиакбар Рўзметов, инстаблогер Dili.me, актриса Ҳалимахоним ва кўплаб шоу-бизнес вакиллари меҳмон бўлди. Абдулла Қурбонов тўйга ташриф буюрган айрим ҳамкасблари устидан доллар сочди.
«Қодирхон» сериалида бош роллардан бирини ижро этган актёр Даврон Асқаров севган қизининг қўлини сўраш жараёни акс этган видеони эълон қилди.
Актриса Наргиза Салмонова турмуш ўртоғи билан Туркиянинг Анталя шаҳрида тушган суратини мухлисларига кўрсатди.
Хонанда Дилдора Ниёзова тез кунларда «Қори бўл, ўғлим» таронасини мухлисларига тақдим этишини маълум қилди. Шунингдек, у ушбу тарона ўзига жуда ёққанини ва ҳар бир ота-онанинг қалбидан жой олишини таъкидлади.
Зарина Низомиддинова тўнғич фарзанди Темурхон билан тушган суратини эълон қилди.
АҚШда истиқомат қилаётган актриса Гулчеҳра Эшонқулова фарзандларига мактаб учун керакли нарсаларни харид қилгани акс этган видеони обуначиларига кўрсатди.
Актёр, телебошловчи Жаҳонгир Хўжаев Умра сафарини адо этганини маълум қилди ва мухлисларига самимий тилакларини билдирди.
Яқинда илк бор фарзандли бўлган хонанда Азиза Низомова уйи яқинида руҳий касалликлар шифохонаси борлигини маълум қилди ва инсон бу дунёда қанчалик телба бўлса, шунчалик бахтли бўлиши мумкинлиги ҳақида гапирди.
Биринчи турмуш ўртоғи — клипмейкер, режиссёр Санжар Маткаримов билан ажрашган хонанда Рухшона яна турмушга чиқаётганини маълум қилди ва бу сафар бахтли бўлишини таъкидлади.
Маҳоратли сухандон, телебошловчи Дилдора Рустамова отаси — марҳум санъаткор, Муқимий номидаги мусиқали драма театри актёри Насриддин Рустамов билан болалигида тушган архив суратини саҳифасига жойлади. Дилдора Рустамова отаси ҳаёт бўлганида, 3 сентябрь куни 67 ёшни қарши олган бўлиши мумкинлиги ҳақида гапирди.
Актриса Раъно Шодиева невараси Имронга кийим олишдан ўзини тўхтата олмаётгани ҳақида гапирди ва мухлисларига невараси учун олган кийимларни кўрсатди.
Марям Тиллаева Татяна Каримова хонадонида Ўзбекистон Республикасининг биринчи президенти Ислом Каримов хотира куни муносабати билан ташкил этилган хотира кечаси акс этган видеони эълон қилди.
Мавзуга доир:
- Instagram: 13 ёшли мухлисининг орзусини рўёбга чиқарган Улуғбек Раҳматуллаев, йўл ҳаракати қоидаларига амал қилмайдиган Миролим Қиличев, туғилган кунини нишонлаётган Эмре Кивилжим
- Instagram: Байрамни нишонлаётган санъаткорлар, 3 минг долларлик костюми танқидга учраган Юлдуз Турдиева, Шаҳзода Муҳаммедованинг онасига кутилмаган совғаси.
- Instagram: Ўзбекистонга раҳмат айтган Хаби Лейм, ухлаётган видеосига изоҳ берган Абдулла Қурбонов, касаллик туфайли овозини йўқотаётган Афзал Рафиқов.
- Instagram: Чойхонада «ухлаб қолган» Абдулла Қурбонов, машина ҳайдашни ўрганаётган Искандар Ҳамроқулов, Зарина Низомиддинованинг танаффусдан кейинги илк роли.
Изоҳ (0)