Барби, Жокер, Жулетта ва ўзбек шоу-бизнеси вакиллари томонидан гавдалантирилган бошқа машҳур образлар (видео)

Голливуд ва Болливуд юлдузлари байрам тадбирларида, реклама роликларида, туғилган кунида ёки бошқа сабаб билан миллионлаб мухлисларнинг қалбидан жой олган мультфильм, кинокартиналардаги образларда кўриниш  беради. Худди шундай ўзбек шоу-бизнесининг айрим вакиллари ҳам турли сабабларга кўра жаҳон киносидаги машҳур образларни гавдалантирган.

Паризода — Жулетта образи

Маҳоратли раққоса Паризода миллионлаб мухлисларнинг қалбидан жой олган ёзувчи Уильям Шекспирнинг «Ромео ва Жулетта» асари қаҳрамони Жулетта образига кирган. У шу асар асосида суратга олинган фильмда айтилган машҳур шеърни ҳам ўқиган. Паризоданинг либоси ва ташқи кўриниши бир қарашда Жулеттани эслатади.

Жаҳонгир Отажонов — Жокер

Хонанда Жаҳонгир Отажонов Аҳрор Усмоновнинг «Ўйнасин» номли таронасини янгича услубда ижро этган ва мусиқага ишланган клипни мухлисларига тақдим этган. Ушбу клипда у машҳур образлардан бири Жокерни гавдалантирган. «Ўйнасин» таронасига ишланган клип YouTube’да уч миллионга яқин маротаба кўрилган.

Шоҳруххон — Терминатор

Бир қанча хит тароналар ижрочиси Шоҳруххон «TikTok» номли таронасига суратга олинган клипда инсонларга бахт улашувчи робот, яъни Терминатор образини гавдалантирган. Ушбу клип YouTube’да икки миллиондан ортиқ кўришлар сонига эга.

Baby Mohi — Барби

Instagram саҳифасида бир миллиондан ортиқ обуначига эга бўлган Baby Mohi тўйида Барби образига кирган. Унинг либоси ва макияжини машҳур стилист Азамат яратган. Инстаблогернинг тўйидаги кўриниш Барбини эслатади.

Севинч Мўминова — Малика Будур

Маҳоратли хонандалар Севинч Мўминова ва Сардор Мамадалиев «Дубай» номли таронасига ишланган видеоклипни мухлисларига намойиш этган. Ушбу клипда Севинч Мўминова малика Будур образини ижро этган. «Дубай» таронасига ишланган клип YouTube’да икки миллиондан ортиқ маротаба кўрилган.

Афруза — Малвина

«The cover up» лойиҳаси иштирокчиси Афруза «Zo‘r TV» телеканалининг Янги йил дастури учун суратга олинган «Қор маликаси» кинофильмида «Буратино» мультфильмидаги Малвина ролини ижро этган. Хонанда бу образида «Армон» номли таронасини ижро этган.

Нигора — Круэлла

«Ойбек ва Нигора» дуэтининг аъзоси Нигора «Севимли» телеканалининг «Ким экан» шоусида Круэлла образини гавдалантирган. Ушбу шоуда қатнашчилар ниқоб остига яширинган инсоннинг ким эканини топиши керак бўлади. Қатнашчилар Круэлла ниқоби остида Нигора яширинганини топа олмаган.

Шаҳзода Муҳаммедова ва унинг қизи — Барби образи

Актриса, дизайнер Шаҳзода Муҳаммедова қизи Милананинг туғилган кунида Барби образига кирган. Туғилган кунга актрисанинг яқин инсонлари ташриф буюрган. Милана ва Шаҳзода Муҳаммедованинг либоси пушти рангда бўлган. Туғилган кунга ташриф буюрувчи инсонларга махсус таклифномалар тарқатилган ва улар ҳам оқ ёки пушти рангли либос кийиши керак бўлган.

Ситора Фармонова — «Кавказ асираси» Нина 

Актриса Ситора Фармонова кўплаб томошабинларнинг қалбидан жой олган, 1967 йилда суратга олинган «Кавказ асираси» фильмидаги Нина образини ижро этган. Фильмнинг асл вариантида эса бу ролни машҳур рус актрисаси Наталя Варлей гавдалантирган. Ўзбекча талқиндаги видеороликда Ситора Фармонованинг партнёри, яъни Шурик образини «Дизайн» жамоасининг аъзоси Дилшод Мусабеков ижро этган.

Шаҳло Зоирова ва Анжела Эсимбетова — «Кавказ асираси» Георгий Вицон ва Евгений Моргунов ижро этган роллар

«Браво» кулги жамоасининг аъзоси Шаҳло Зоирова ва актриса Анжела Эсимбетова дугоналарининг туғилган кунига «Кавказ асираси» фильми қаҳрамонлари образида борган. Видеороликда Шаҳло Зоирова — Георгий Вицон ва Анжела Эсимбетова — Евгений Моргуновнинг «Кавказ асираси»даги яратган образида намоён бўлган.

Азода — Барби образи

Инстаблогер, тиктокер Азода туғилган кунида машҳур Барби образига кирган ва шу образда тушган видео, суратларини Instagram’даги саҳифасига жойлаштирган. Азодани шоу-бизнес оламининг таниқли вакиллари туғилган куни билан табриклаган.

Мавзуга доир:

• Дурдона Қурбонова ва Феруза Норматова, Шаҳзод Султонов ва Шоҳрух Ҳамдамов: Жиддий келишмовчилик сабаб бир фильмда суратга тушишни истамайдиган актёр ва актрисалар (видео).
• Мухлисни силтаб ташлаган Шоҳжаҳон Жўраев, томошабинга тарсаки туширган Алишер Узоқов: Санъаткорларни қандай ҳолатлар асабийлашишга мажбур қилади? (видео).
• Азиза Ниёзметова, Ҳошим Арслонов, Жамшид Зокиров ва саратондан вафот этган бошқа ўзбекистонлик санъаткорлар (фото).
• Бўйни йиртилган, оёғи синган: Суратга олиш жараёнларида жароҳат олган ўзбек шоу-бизнеси вакиллари (видео).