Россия президенти Владимир Путин Михаил Горбачёвнинг ўлими юзасидан чуқур ҳамдардлик билдирди, деб ёзади «РБК» президент матбуот котиби Дмитрий Песковга таяниб.
«Президент Путин Михаил Горбачёвнинг вафоти муносабати билан чуқур ҳамдардлик изҳор этади. Эрталаб у сиёсатчининг яқинлари ва қариндошларига ҳамдардлик телеграммасини юборади», — деди Кремль вакили.
Совет Иттифоқи Коммунистик партияси (КПСС) марказий қўмитасининг сўнгги бош котиби ва СССРнинг ягона президенти Михаил Горбачёв 91 ёшида вафот этди.
ОАВ Горбачёв «оғир ва узоқ давом этган касалликдан кейин» вафот этганини хабар қилди. Уларга кўра, Горбачёв ўлимидан сал аввал касалхонага гемодиализ учун келган.
Сўнгги йилларда Горбачёв буйрак касаллигидан азият чекаётган эди. Хусусан, сиёсатчи бир неча йил давомида гемодиализдан ўтгани ҳақида маълумотлар бор.
Сиёсатчи Москвадаги Новодевичие қабристонида рафиқаси Раиса Горбачёва ёнига дафн этилади. Дафн маросимининг санаси ҳали белгиланмаган.
Изоҳ (0)