Эрон Россияга Украинадаги жангларда фойдаланиш учун ҳужумчи дронларнинг биринчи партиясини топширди, деб ёзмоқда The Washington Post.
АҚШ президенти маъмуриятидаги CNN манбалари ҳам Россия Эрон дронларининг партиясини олганига ва улардан жанг майдонида фойдаланиши мумкинлигига ишонмоқда. Аввалроқ телеканал Россия ҳарбийлари Shahed-191 ва Shahed-129 дронларини бошқаришга ўргатилгани ҳақида хабар берган эди.
WP суҳбатдошларининг фикрича, август ойида топширилган дронлар келишувнинг фақат биринчи қисми ва умумий ҳисобда Теҳрон Москвага ҳар хил турдаги бир неча юзлаб дронлар етказиб бермоқчи.
Шу билан бирга, газета манбаларининг таъкидлашича, Россия ҳарбийлари томонидан ўтказилган биринчи синовлар давомида Эрон дронлари бир неча бор муваффақиятсизликка учраган, шу сабабли «россияликларнинг ундан кўнгли тўлмаган».
Аввал Теҳрон Москвага дронлар етказиб берилишини рад этиб, бундай хабарларни асоссиз деб атаганди. Кремль эса бу мавзуга изоҳ беришдан бош тортган.
Изоҳ (0)