«Ўзбекистон шампани»ни хусусийлаштириш жараёни қайта бошланди. Бу ҳақда Давлат активларини бошқариш агентлиги хабар берди.
2021 йил 9 июлда «Ўзбекистон шампани» устав капиталидаги 51,48 фоиз акциялар пакети халқаро консалтинг компанияси — KPMG компаниясини жалб этган ҳолда хусусийлаштириш жараёнлари амалга оширилган.
Ўтказилган очиқ хусусийлаштириш жараёнлари натижаси бўйича нарх ва шартноманинг бошқа талаблари бўйича энг мақбул бўлган талабгор танлов ғолиби деб топилган. Бироқ танлов ғолиби томонидан тегишли олди-сотди шартномаси имзоланмаган.
Шунга кўра, Давлат тендер комиссиясининг тегишли қарорига асосан, дастлабки савдо жараёнлари натижаларини бекор қилиш ва савдо жараёнларини қайтадан бошлаш юзасидан тегишли қарор қабул қилинган.
Шунга кўра, "Ўзбекистон шампани» устав капиталидаги 51,48 фоиз акциялар пакетини рақобатга асосланган сотув жараёни орқали сотиш жараёнини давом эттириш режаси эълон қилинди.
Сотув жараёнлари учун аризалар 2022 йил 30 сентябрь куни соат 18:00 га қадар электрон қабул қилинади.
Компания ҳақида маълумот
«Ўзбекистон шампани» Тошкент шаҳрида жойлашган бўлиб, 1942 йилда ишга туширилган.
Компаниянинг асосий фаолият тури шампан ва бошқа газланган шароб ичимликларини ишлаб чиқариш, шунингдек шароб материалларига ишлов беришдан иборат.
2021 йил якунига кўра, компаниянинг соф тушуми 65,6 млрд сўмни, соф фойдаси 2 млрд сўмни ҳамда соф активи 12 млрд сўмни ташкил этган.
Аввалроқ Ўзбекистондаги автомобиль бўёқлари ишлаб чиқарувчи компания хусусийлаштирилаётгани ҳақида хабар берилганди.
Изоҳ (0)