Тошкент, Наманган ва Фарғона вилоятлари тоғли ҳудудларида 28 август куни ёмғир ёғиши мумкин

«Ўзгидромет» 28 август, якшанба куни кузатиладиган об-ҳаво маълумотини эълон қилди.

Унга кўра, дам олиш куни республика бўйича қуруқ ва кам булутли об-ҳаво сақланиб туради. Шамол 7-12 метр/секунд тезликда эсади. Кундузи ҳаво ҳарорати 30-35 даражани ташкил этади.

Тошкентда ҳаво кам булутли бўлади. Шамол 3-8 метр/секунд тезликда эсади. Максимал ҳарорат 32-34 даража бўлади.

Тоғли ҳудудларда ёғингарчилик кутилмайди, фақат Тошкент, Наманган ва Фарғона вилоятларининг тоғолди ва тоғли ҳудудларида баъзи жойларда қисқа муддатли ёмғир ёғиши, момақалдироқ бўлиши мумкин.

Шамол 7-12 метр/секунд тезликда эсади, момақалдироқ пайтида 15-20 метр/секундгача кучайиши мумкин. Ҳаво ҳарорати 22-27 даража бўлади.