Toshkent, Namangan va Farg‘ona viloyatlari tog‘li hududlarida 28-avgust kuni yomg‘ir yog‘ishi mumkin

“O‘zgidromet” 28-avgust, yakshanba kuni kuzatiladigan ob-havo ma’lumotini e’lon qildi.

Unga ko‘ra, dam olish kuni respublika bo‘yicha quruq va kam bulutli ob-havo saqlanib turadi. Shamol 7-12 metr/sekund tezlikda esadi. Kunduzi havo harorati 30-35 darajani tashkil etadi.

Toshkentda havo kam bulutli bo‘ladi. Shamol 3-8 metr/sekund tezlikda esadi. Maksimal harorat 32-34 daraja bo‘ladi.

Tog‘li hududlarda yog‘ingarchilik kutilmaydi, faqat Toshkent, Namangan va Farg‘ona viloyatlarining tog‘oldi va tog‘li hududlarida ba‘zi joylarda qisqa muddatli yomg‘ir yog‘ishi, momaqaldiroq bo‘lishi mumkin.

Shamol 7-12 metr/sekund tezlikda esadi, momaqaldiroq paytida 15-20 metr/sekundgacha kuchayishi mumkin. Havo harorati 22-27 daraja bo‘ladi.