Офисда уй ҳайвонларининг бўлиши муҳитни қанчалик ўзгартиради?

«HeadHunter» компанияси «Дарё»га уй ҳайвонларининг офисда бўлиши компания иш муҳитига қандай таъсир қилиши бўйича таҳлилни тақдим қилди.

Офисдаги уй ҳайвонлари бўлиши фақат Европа компанияларида ўсиб бораётган тенденция эмас. Мисол учун, АҚШда ҳайвонларни турли офисларда кўриш одатий ҳолга айланмоқда.

Бу одамлар уй ҳайвони билан ишлашга келиши мумкинлиги ёки бир нечта уй ҳайвонлари офисда яшашини англатади.

Дунёдаги энг йирик компаниялардан бири Google’да уй ҳайвонлари офисда бўлишига рухсат берилган.

Amazon’да ходимларнинг итлари рўйхатдан ўтиш пештахталарида ит учун мўлжалланган печеньеларни олиши мумкин. Уларга сув ичиш учун махсус фавворалар ҳам яратилган.

Компаниядаги ҳиссий муҳит ўзгаради

Кентукки штатидаги 31 компанияни ўрганиш шуни кўрсатдики, иш жойидаги уй ҳайвонлари ходимлар эгаларига индивидуалликни ифодалаш имконини беради.

Тадқиқот иштирокчилари уй ҳайвонлари стрессдан халос бўлишга ёрдам беришини айтди. Улар билан офисдаги муҳит янада қулайроқ бўлади.

Бошқа бир тадқиқотда маълум бўлишича, жамоавий ишда итнинг борлиги иштирокчиларни ит бўлмаган гуруҳларга қараганда бир-бирлари билан кўпроқ дўстона муносабатда бўлишга ундаган.

Уй ҳайвонларини ижтимоий ўзаро муносабатлардаги тўсиқларни енгишга ёрдам беради деб тахмин қилиш мумкин.

Ҳамма ҳам ташаббусни қадрламайди

Уй ҳайвонларини офисга қўйишдан олдин, ходимларда ҳайвонлар билан боғлиқ аллергия ва травматик тажрибалар йўқлигига ишонч ҳосил қилиш керак: масалан, итлар, қушлар ёки бошқаларга фобия. Бундан ташқари уларнинг ўзига хос ҳиди бор ва овоз чиқаради.

Янги ички қоидалар ва қоидалар талаб қилинади

Ходимларнинг уй ҳайвонлари иш жараёнларига аралашмаслиги учун баъзи тақиқлар ва қоидаларни киритиш керак бўлиши мумкин.

Масалан, Американинг Piye Town Productions компанияси итларни ишга олиб келишга рухсат берган.

Аммо ходимлар ўзлари билан кўплаб итларни олиб кела бошлаган ва компания чекловлар жорий этишга мажбур бўлган.

Ҳайвонларга ғамхўрлик қилиш керак

Агар ҳайвон доимий равишда офисда яшаса, уни озиқ-овқат, гигиена ва ветеринария хизмати билан таъминлаш керак бўлади, бу эса компания учун қўшимча харажатларга айланиши мумкин.

Ишда уй ҳайвонини боқишга ҳеч қандай тўсиқ йўқлигига ишонч ҳосил қилиш керак.

Ходимлар офисга уй ҳайвонларини олиб киришга рухсат бериш ташаббусини қўллаб-қувватласа ҳам, бунинг учун бошқа тўсиқлар мавжуд бўлса, олдиндан яхшироқ ўйлаб кўриш керак бўлади.

Масалан, офис ижарага олинган бўлса унинг эгаси бинода ҳайвонлар борлигига қарши эмаслигига ишонч ҳосил қилиш керак.